جىل باسىنان بەرى قورعا 5,2 ترلن تەڭگە تۇسكەن. ونىڭ 2,5 ترلن تەڭگەسى قوردى باسقارۋدان تۇسكەن ينۆەستيتسيالىق تابىس بولىپ وتىر. حالىقارالىق قارجى نارىعىنداعى قولايلى جاعداي وسى كىرىستىڭ وسۋىنە ىقپال ەتكەن.
مۇناي سالاسىنداعى كومپانيالاردان تۇسكەن تىكەلەي سالىقتار شامامەن 2,74 ترلن تەڭگەنى قۇراعان. بۇعان قوسا, قورعا كورپوراتيۆتىك تابىس سالىعىنان 794,9 ملرد تەڭگە جانە ءونىمدى ءبولۋ كەلىسىمدەرى ارقىلى 799,5 ملرد تەڭگە تۇسكەن.
سەگىز اي ىشىندە ۇلتتىق قوردان 3,8 ترلن تەڭگە ءبولىندى. ونىڭ ىشىندە 2 ترلن تەڭگە رەسپۋبليكالىق بيۋدجەتكە كەپىلدەندىرىلگەن ترانسفەرت رەتىندە باعىتتالدى. قالعان 1,8 ترلن تەڭگە نىسانالى جوبالاردى قارجىلاندىرۋعا جۇمسالعان.
ۇلتتىق بانك تامىز ايىندا قوردان 420 ملن دوللار ساتقانىن حابارلادى. بۇل قارجى رەسپۋبليكالىق بيۋدجەتتى قولداۋعا جانە تالدىقورعان مەن ءۇشارال اراسىنداعى ماگيسترالدىق گاز قۇبىرىنىڭ قۇرىلىسىنا پايدالانىلدى.
