«جاڭا كونستيتۋتسيا جاستارعا نە بەرەدى؟» دەگەن ساۋال كەزدەسۋ بارىسىندا ەڭ كوپ قويىلعان جانە دە تالقىلانعان تاقىرىپتاردىڭ بىرىنە اينالدى. ءاربىر سۇراققا ءۇن قاتقان ارمان قىرىقباەۆ 15 ناۋرىزدا وتەتىن رەسپۋبليكالىق رەفەرەندۋمعا شىعارىلعان جاڭا كونستيتۋتسيا جوباسى تەك زاماناۋي سىن-قاتەرلەرگە جاۋاپ بەرىپ قانا قويمايتىنىن, ەلدىڭ ۇزاق مەرزىمدى دامۋىنىڭ بەرىك نەگىزىن قالايتىنىن اتاپ ءوتتى. جاڭا اتا زاڭدا ادام قۇقىقتارىنىڭ كەپىلدىكتەرىنە, كاسىپكەرلىكتى قولداۋعا, ساپالى ءبىلىم بەرۋدى قامتاماسىز ەتۋگە جانە عىلىم مەن يننوۆاتسيانى دامىتۋعا ايرىقشا ءمان بەرىلگەن.
پرەزيدەنت كومەكشىسىنىڭ ايتۋىنشا, جاڭا كونستيتۋتسيا باسەكەگە قابىلەتتى, ءبىلىمدى ءارى تەحنولوگيالىق تۇرعىدان ساۋاتتى ۇرپاق ءوسىرۋ ءۇشىن قۇقىقتىق نەگىزدى قالىپتاستىرادى. ول جاس عالىمدار مەن ستارتاپ-جوبالارعا قولداۋ كورسەتۋدى كۇشەيتۋ مەملەكەتتىڭ ستراتەگيالىق باسىمدىقتارىنىڭ ءبىرى ەكەنىن جەتكىزدى.
سونىمەن قاتار, كەزدەسۋ بارىسىندا جاڭا كونستيتۋتسيا جوباسىندا كورىنىس تاپقان پرەزيدەنتتىڭ «ادىلەتتى قازاقستان», «تازا قازاقستان» جانە «زاڭ مەن ءتارتىپ» باستامالارىنا ايرىقشا كوڭىل ءبولىندى.
رەفەرەندۋمنىڭ قاشان وتەتىنى بەلگىلى بولدى
«زاڭ مەن ءتارتىپ» قاعيداتى, قورشاعان ورتاعا ۇقىپتى قاراۋ, «ادىلەتتى قازاقستان» يدەياسى – پرەزيدەنتتىڭ جىل سايىنعى حالىققا جولداۋلارىندا, ماقالالارى مەن سوزدەرىندە ۇنەمى ايتىلىپ كەلەدى. كوپ جاعدايدا ولار جاستارعا ارنالىپ جاتادى. جاڭا كونستيتۋتسيا ءماتىنىن ازىرلەۋ بارىسىندا 10 مىڭنان استام ۇسىنىس ءتۇستى. ولاردىڭ باسىم بولىگى ادامعا باعدارلانعان قۇندىلىقتارعا ارنالدى – ادىلەتتىلىكتىڭ سالتانات قۇرۋى, زاڭ مەن ءتارتىپتىڭ ۇستەمدىگى, قالالارىمىز بەن اۋىلدارىمىزدىڭ تازالىعى, جاسامپاز ءارى ىزگى نيەتتەر. دەمەك, مەملەكەت باسشىسى حالىقتىڭ جۇرەگىندە كوپتەن بەرى جۇرگەن دۇنيەلەردى قوزعاپ ءجۇر. سوندىقتان بۇل يدەيالاردىڭ جاڭا كونستيتۋتسيا ماتىنىندە كورىنىس تابۋى زاڭدى قۇبىلىس», دەپ تۇيىندەدى ول.
رەفەرەندۋم جانە جاڭا كونستيتۋتسيا: حالىق كوپ جينالاتىن ورىنداردا اقپاراتتىق جۇمىس جانداندى
