كەزدەسۋ بارىسىندا ءوڭىردىڭ سپورتتىق ينفراقۇرىلىمىن دامىتۋ ماسەلەلەرى, سونداي-اق, 2026 جىلعى ماۋسىمدا وبلىس اتىنان UEFA كونفەرەنتسيالار ليگاسىنا قاتىساتىن «ەلىماي» فۋتبول كلۋبىنىڭ الداعى دامۋ بولاشاعى تالقىلاندى.
كەزدەسۋگە قاتىسۋشىلار كاسىبي سپورتتى دامىتۋدىڭ مەملەكەت پەن بيزنەستىڭ سەرىكتەستىگىنە نەگىزدەلگەن, كلۋبتاردىڭ ۇزاق مەرزىمدى تۇراقتىلىعىن قامتاماسىز ەتەتىن نەعۇرلىم تەڭگەرىمدى ۇلگىسىنە كوشۋ ماڭىزدى ەكەنىن اتاپ ءوتتى. بۇل ءتاسىل پرەزيدەنت ايقىنداعان سپورت سالاسىنداعى جالپىۇلتتىق باسىمدىقتارعا سايكەس كەلەدى.
كەزدەسۋ بارىسىندا ينفراقۇرىلىمدىق بازانى دامىتۋعا, جاس فۋتبولشىلاردى دايارلاۋعا جانە الداعى ماۋسىمداردا كلۋبتىڭ جۇيەلى جۇمىس ىستەۋىنە قاجەتتى جاعدايلار جاساۋعا ەرەكشە نازار اۋدارىلدى.
ايماق باسشىسى مەملەكەت تاراپىنان وڭىردە فۋتبولدى دامىتۋعا قولداۋ كورسەتۋ جالعاساتىنىن اتاپ ءوتتى.
KAZ Minerals توبى كلۋبتىڭ قىزمەتىن ۇيىمداستىرۋعا, سونىڭ ىشىندە كلۋب كوماندالارىنىڭ قازاقستان رەسپۋبليكاسىنىڭ ىشكى جارىستارىنا جانە ەۋروكۋبوكتارعا قاتىسۋىن قامتاماسىز ەتۋگە قاتىستى مىندەتتەمەلەرىن راستادى.
كەزدەسۋ قورىتىندىسى بويىنشا تاراپتار فۋتبولدى جانە ءوڭىردىڭ سپورتتىق ينفراقۇرىلىمىن دامىتۋعا باعىتتالعان ءوزارا ءىس-قيمىل فورماتتارىن ودان ءارى پىسىقتاۋ جانە بىرلەسكەن جۇمىستى جالعاستىرۋعا مۇددەلى ەكەنىن ءبىلدىردى.
«ەلىماي» فۋتبول كلۋبى – بۇل جاي عانا سپورتتىق كوماندا ەمەس, اباي وبلىسىنىڭ تاريحي جانە زاماناۋي بولمىسىنىڭ ءبىر بولىگى. ءبىز ءۇشىن كلۋبتىڭ دامۋى ينفراقۇرىلىمعا جانە جاس سپورتشىلاردى دايارلاۋعا نەگىزدەلگەن جۇيەلى ءارى تۇراقتى بولعانى ماڭىزدى. مەملەكەت پەن بيزنەستىڭ سىندارلى ءوزارا ءىس-قيمىلى وڭىردە فۋتبولدىڭ ودان ءارى دامۋىن قامتاماسىز ەتەدى دەپ سەنەمىن», دەدى بەرىك ءۋالي.
«KAZ Minerals Management» جشس باسقارما توراعاسى ەلدار مامەدوۆ كومپانيا وڭىرلەردە ۇزاق مەرزىمدى الەۋمەتتىك جوبالاردى ىسكە اسىرىپ كەلە جاتقانىن اتاپ ءوتتى.
«تۇران» فۋتبول كلۋبى ساتىلىمعا شىعارىلدى
«KAZ Minerals وڭىرلەردەگى كوپتەگەن باعىتتا, ونىڭ ىشىندە سپورت ينفراقۇرىلىمى سالاسىندا ۇزاق مەرزىمدى الەۋمەتتىك جوبالاردى جۇزەگە اسىرىپ كەلەدى. ءبىز سپورتتى دامىتۋعا ءوڭىردىڭ بولاشاعىنا سالىنعان ينۆەستيتسيا رەتىندە قارايمىز جانە قوعامدىق ماڭىزى بار جوبالار بويىنشا بىرلەسە جۇمىس ىستەۋگە اشىقپىز», دەدى ول.
