كوميتەت حابارلاعانداي, ەرتاەۆ سوت ۇكىمىنە سايكەس قىلمىستىق-اتقارۋ جۇيەسى مەكەمەسىندە جازاسىن وتەپ جاتقان.
«سوت شەشىمىنىڭ نەگىزىندە وعان امنيستيا اكتىسى قولدانىلىپ, سوعان بايلانىستى ول بوساتىلدى. قوسىمشا ايتا كەتسەك, سوتتالعاندارعا قاتىستى ىستەردى قاراۋ جانە شەشىم قابىلداۋ سوتتىڭ قۇزىرەتىنە جاتادى», دەدى قاجك-دە.
سونىمەن قاتار, ەرتاەۆتى ءارى قاراي باقىلاۋ جانە قاداعالاۋ ءۇشىن پروباتسيا قىزمەتىنە تىركەگەنىن اتاپ ءوتتى.
ەسكە سالا كەتەيىك, 2020 جىلدىڭ قاراشاسىندا بۇرىنعى بانكير جومارت ەرتاەۆ Bank RBK-تەن 144 ميلليارد تەڭگە ۇرلاعانى ءۇشىن 11 جىلعا باس بوستاندىعىنان ايىرىلعان. ونىمەن بىرگە تاعى 35 ادام سوتتالعان ەدى.
كەيىنىرەك ەرتاەۆ تاعى ءبىر قىلمىستىق ءىس بويىنشا سوتتالدى. بۇل جولى ول Bank RBK مەن Qazaq Banki, سونداي-اق ەۋرازيالىق بانكتەن نەسيە اقشاسىن جىمقىرعانى ءۇشىن سوتتالدى. وسى ءىس بويىنشا سوت ەرتاەۆتىڭ تاعى ءتورت سىبايلاسىنا ۇكىم شىعاردى. سونداي-اق سوتتالعانداردان بانكتەرگە ءىرى سوماداعى اقشانى قايتارۋ مىندەتتەلدى (Bank RBK-كە شامامەن 98 ميلليارد تەڭگە, Qazaq Banki-گە 46 ميلليارد تەڭگەدەن استام, ەۋرازيالىق بانككە 24 ميلليارد تەڭگەدەن كوپ).
2021 جىلدىڭ ناۋرىزىندا سوت جومارت ەرتاەۆقا قاتىستى العاشقى قىلمىستىق ءىس بويىنشا جازانى جەڭىلدەتتى. 11 جىلدىڭ ورنىنا 9 جىل تاعايىندالعان ەدى.
