«اتا زاڭ – بىرلىكتىڭ نەگىزى» دەپ اتالعان بۇل ءىس-شارادا وبلىس اكىمى عاۋەز نۇرمۇحامەتوۆ قۇتتىقتاۋ ءسوز سويلەپ, وبلىستىڭ دامۋىنا ەلەۋلى ۇلەس قوسىپ جۇرگەن بىرنەشە جەرلەسىمىزگە ءتۇرلى ماراپاتتار تاپسىردى. ولاردىڭ قاتارىندا مەملەكەتتىك قىزمەتشىلەر, قوعام قايراتكەرلەرى جانە ءوڭىردىڭ وركەندەۋىنە قىزمەت ەتىپ جۇرگەن ءتۇرلى سالا وكىلدەرى بار. سونىمەن قاتار كوپبالالى انالار «التىن القا» جانە «كۇمىس القا» توسبەلگىلەرىمەن ماراپاتتالدى. بەلسەندى ءارى باستاماشىل جاستار دا نازاردان تىس قالماي, ع.نۇرمۇحامبەتوۆ ولارعا دا وبلىس اكىمىنىڭ گرانتتارىن تابىستادى.
«اتا زاڭىمىز تاۋەلسىز قازاقستاننىڭ بەرىك قۇقىقتىق نەگىزىن قالاپ, ونىڭ ساياسي, ەكونوميكالىق جانە قوعامدىق دامۋ باعىتىن ايقىنداپ بەردى. وسى تاريحي قۇجاتتىڭ ارقاسىندا بۇگىندە ءبىز قۋاتتى, تۇراقتى جانە حالىقارالىق ارەنادا ابىرويى بيىك مەملەكەتتە ءومىر ءسۇرىپ وتىرمىز», دەدى وبلىس باسشىسى.
تاعى ءبىر ۇلكەن ءىس-شارا س.مۇقانوۆ اتىنداعى وبلىستىق امبەباپ عىلىمي كىتاپحانادا بولدى. مۇندا «اتا زاڭ – كەمەل كەلەشەكتىڭ كەپىلى» اتتى دوڭگەلەك ۇستەل ءوتتى. وندا وبلىستىق ارداگەرلەر ۇيىمىنىڭ مۇشەسى, بايلانىس سالاسىنىڭ ارداگەرى تىلەك ءابدىراحمانوۆ سويلەپ, اتا زاڭنىڭ ماڭىزى تۋرالى پىكىرىن ورتاعا سالدى. سونىڭ ىشىندە 2022 جىلعى اتا زاڭعا بۇكىلحالىقتىق رەفەرەندۋم ارقىلى ەنگىزىلگەن وزگەرىستەردىڭ ءبىرى – قازاقستاننىڭ جەرى مەن ونىڭ قوينىنداعى رەسۋرستارى, ورمان, سۋ قورى حالىقتىكى بولعانىن اتاپ ءوتتى. سونىمەن قاتار وسى دوڭگەلەك ۇستەلدە قالالىق №2 سوتتىڭ سۋدياسى انار مامانوۆا, ۇلتتىق ۇلان اكادەمياسىنىڭ ۇستازى ناتاليا بەلوۋسوۆا, ارميان ەتنو-مادەني ورتالىعى توراعاسىنىڭ ورىنباسارى سۆەتلانا مالحاسيان, قازاقستان حالىق پارتياسى وبلىستىق فيليالىنىڭ توراعاسى بولات قوجاحمەتوۆ, م.قوزىباەۆ اتىنداعى وبلىستىق ۋنيۆەرسيتەتتىڭ ۇستازى مارينا ۋمريحينا پىكىرىن ورتاعا سالدى.
وسىنداي دوڭگەلەك ۇستەل جيىنىنىڭ ءبىرى وبلىس ورتالىعىنداعى دوستىق ۇيىندە «كونستيتۋتسيا – ادىلەت پەن پاراسات جولى» دەگەن اتاۋمەن ءوتتى. وندا «قوعامدىق كەلىسىم» كمم باسشىسى كەمەل وسپانوۆ سويلەپ, اتا زاڭىمىز قازاقستاندا تۇراتىن ءتۇرلى ەتنوس وكىلدەرىن بەيبىتشىلىك, كەلىسىم, توزىمدىلىك جانە زاڭدى سىيلاۋ سياقتى ورتاق قۇندىلىقتارمەن بىرىكتىرىپ وتىرعانىن جەتكىزدى.
قالا ورتالىعىنداعى شىرقالعان ءان, دوڭگەلەنگەن بي «قازاقستان كونستيتۋتسياسى» كوشەسىنىڭ بويىنا جينالعان جۇرتشىلىقتىڭ جۇزىندە جىلۋلىق ۇيالاتتى. ۇلكەن دە, كىشى دە مەرەكەلىك كوڭىل كۇيدە بولدى. كونتسەرتتە ونەرپازدار تاراپىنان قۇتتىقتاۋلار, جىلى لەبىزدەر ءجيى ايتىلدى. سونىمەن قاتار ءىس-شارا بارىسىندا كوڭىل كوتەرەتىن ويىندار, ۆيكتورينالار دا ويناتىلىپ, جەڭىسكە جەتكەن جاندارعا سىيلىقتار تابىستالدى.
سولتۇستىك قازاقستان وبلىسى
