ءىس-شارانى «مەملەكەتتىك ءتىل – ەتنوسارالىق قاتىناس ءتىلى» جانە «قازاقشا ءان سالامىز» جوبالارى اياسىندا, وڭىرلىك قازاقستان حالقى اسسامبلەياسى مەن «قوعامدىق كەلىسىم» مەكەمەسى بىرلەسىپ ۇيىمداستىرعانىن ايتىپ ءوتۋ كەرەك. كەشتە اتاقتى كومپوزيتوردىڭ «باقىت قۇشاعىندا», «شىنارىم», «باقىتتىمىن, قۇربىلار», «اق بانتيك», «انا تۋرالى جىر», «بارىنەن دە سەن سۇلۋ», «سىعان سەرەناداسى», «ارىس جاعاسىندا», «قاراكوز» سياقتى كوپشىلىككە جاقسى تانىس تۋىندىلارى ورىندالدى. كونتسەرتكە جينالعان قاۋىم ەل اراسىندا كەڭىنەن تارالعان اندەردى قوسىلا شىرقاپ, ىستىق ىقىلاسپەن قوشەمەت كورسەتتى. ال بي ءانسامبلى حالىق كومپوزيتورىنىڭ اندەرىن بيمەن سۇيەمەلدەدى.
كەشتى ەرتىس-بايان وڭىرىندە تۇراتىن ەتنوس وكىلدەرى انا تىلدەرىندە ورىنداعان پوپۋرريمەن قورىتىندىلادى. بۇل ەرەكشە دۋمان ءشامشى شىعارماشىلىعى ەلدىڭ ورتاق مۇراسى ەكەنىن دالەلدەۋمەن قاتار, ەتنوسارالىق تاتۋلىق پەن بىرلىكتى دە بايقاتتى.
ء«شامشى قالداياقوۆتىڭ اندەرى – ءبىزدىڭ تاريحىمىز بەن مادەنيەتىمىزدىڭ ءبىر بولىگى. كونستيتۋتسيا كۇنى قارساڭىندا ۇيىمداستىرىلعان جانە قازاقستان حالقى اسسامبلەياسىنىڭ 30 جىلدىعىنا ورايلاستىرىلعان بۇگىنگى ءىس-شارا كومپوزيتوردىڭ پاتريوتيزمگە, وتانعا جانە ادامدارعا دەگەن شىنايى سۇيىسپەنشىلىككە تولى شىعارمالارى ۇرپاقتاردى بىرىكتىرەتىنىن تاعى ءبىر مارتە راستادى. بۇگىنگى كونتسەرتكە ەتنومادەني بىرلەستىكتەردىڭ شىعارماشىلىق ۇجىمدارىنىڭ باسشىلارى مەن «اسسامبلەيا جاستارى» رقب وكىلدەرى دە قاتىستى. بۇل, ارينە, قوعامدىق كەلىسىم مەن ءوزارا تۇسىنىستىكتى نىعايتۋ ءۇشىن ماڭىزدى, دەپ اتاپ ءوتتى «قوعامدىق كەلىسىم» كمم باسشىسى ءنۇريا كوبەنوۆا.
پاۆلودار وبلىسى
