سول سەبەپتى دە قارجى نارىعىن رەتتەۋ جانە دامىتۋ اگەنتتىگى توراعاسى نەسيە بەرۋ تالاپتارىن كۇشەيتۋ ءۇشىن جاڭا ەرەجەلەر قابىلدانعانىن ايتتى:
ء«بىز نەگە جاڭا ەرەجەلەردى ەنگىزدىك؟ سەبەبى قارىزىن قايتارا الماي جۇرگەن ازاماتتار كوپ. كەيبىر قارجى ۇيىمدارى ولاردى تارتۋ ءۇشىن قارىز كولەمىن ازداپ تومەندەتەدى نەمەسە پايىزدىق مولشەرلەمەنى ءسال تومەن قويادى», دەدى اگەنتتىك باسشىسى.
قىزىعى, قازىردىڭ وزىندە بانكتەر مەن ميكروكرەديتتىك ۇيىمدار نەسيە بەرۋدى توقتاتقان جوق. كەيدە ءتىپتى ناشار كرەديتتىك تاريحى بار ادامدارعا دا جەڭىلدىك جاساپ, قارىز بەرىپ وتىر.
بۇل جاعداي ۇلتتىق بانكتىڭ دە نازارىندا. بۇعان دەيىن توراعا تيمۋر سۇلەيمەنوۆ نەسيە نارىعى «قىزىپ كەتپەۋى» ءۇشىن جاڭا تالاپتار ەنگىزىلەتىنىن ايتقان ەدى:
«قارىز الۋشىلاردى باعالاۋ ءتارتىبى وزگەرەدى. ازاماتتاردىڭ تولەم قابىلەتتىلىگى مۇقيات تەكسەرىلەدى, ال بۇرىن كەشىكتىرگەن تولەمدەرى جاڭا نەسيە الۋ كەزىندە ۇلكەن ءرول وينايدى. سونداي-اق, قارىز جۇكتەمەسىنىڭ كوەففيتسيەنتى جانە قارىزدىڭ تابىسقا قاتىناسى سياقتى جاڭا تاسىلدەر قولدانىلادى. بۇل قادامدار تۇتىنۋشىلىق نەسيە نارىعىنداعى شامادان تىس بەلسەندىلىكتى باسەڭدەتەدى», دەدى سۇلەيمەنوۆ.
