ءىس قاراۋ ارتىپ كەلەدى

«ءبىز سوت تورەلىگىن جۇزەگە اسى­رۋدىڭ ساپاسىن جاقسارتۋمەن عانا شەكتەلمەي, سوت وتىرىستارىنىڭ جاريالىلىعى مەن قولجەتىمدىلىگىن قامتاماسىز ەتۋىمىز قاجەت. ەڭ باستى مىندەتىمىز – ءوز ارامىزدا جەمقورلىققا قارسى باتىل كۇرەس جۇرگىزىپ, ارامىزداعى كاسىبي شەبەرلىگى تومەن, ادامگەرشىلىك-مورالدىق بەينەسى كۇماندى ادامداردان ارىلتۋ» دەپ ءمالىم ەتتى سوت ورگاندارىنداعى جەتىستىكتەر مەن كەمشىلىكتەردى سارالاعان كەڭەستە اتىراۋ وبلىستىق سوتىنىڭ ءتور­اعاسى مۇحتار سماعۇلوۆ. توراعانىڭ ءمالىم ەتۋىنشە, بىلتىر ءوڭىر سوتتارىندا 27175 ءىس قارالىپتى. ونىڭ ىشىندە 1995-تەن استامى ازاماتتىق, 1507 قىلمىستىق, 23673-تەن استام اكىمشىلىك قۇقىق بۇزۋشىلىق ىستەرى بار ەكەن. سۋديا مەدياتورلاردىڭ قاراۋىنا 706 ءىس بەرىلگەن. سوت شەشىمدەرىن شىعارعان كەزدە باس بوستاندىعىنان ايىرماي جازا تاعايىنداۋدىڭ ۇلەس سالماعى كوبەيە تۇسۋدە. 9 ادامعا قاتىستى اقتاۋ ۇكىمى شىعارىلعان. – سونىمەن بىرگە, بىلتىرعى جىل­دىڭ شىلدەسىنەن بەرى قول­دارىندا تسيفرلى ەلەكتروندى قولتاڭ­بالارى بار ازاماتتارعا «سوت كابينەتى» ارقىلى تالاپ ارىزدارىن, سوت وتىرىستارىنىڭ حاتتامالارى مەن حاتتامالارعا ەسكەرتۋلەردى, ۇسىنىستارىن جىبەرۋگە, ەلەكتروندى كوشىر­مەلەردى الۋعا مۇمكىندىك تۋدى. وسى جوبا اياسىندا, ياعني «سوت كابينەتى» ارقىلى 2442 ەلەكتروندى تالاپ ارىز, 9 حاتتاماعا ەسكەرتۋ, 902 حاتتامانىڭ كوشىرمەسىن الۋعا ءوتىنىش, 56 ەلەكتروندى شاعىم سەكىلدى بارلىعى 30409 ءوتىنىش كەلىپ ءتۇستى, – دەدى وبلىستىق سوتتىڭ توراعاسى. جولداسبەك شوپەعۇل, «ەگەمەن قازاقستان». اتىراۋ وبلىسى.