فوتو: ەرلان ومار
تەكسەرۋ بارىسىندا بەلگىلى بولعانداي, سوت ورىنداۋشىلارى ەكى جىل بويى مەملەكەت قازىناسىنا ءتۇسۋى ءتيىس قاراجاتتى يەمدەنىپ, ءوز وكىلەتتىكتەرىن تەرىس پايدالانعان. جينالعان قارجى جەكە قاجەتتىلىكتەرگە, سونىڭ ىشىندە قۇمار ويىندارعا جۇمسالعان. بۇعان قوسا, جەكە جانە زاڭدى تۇلعالاردىڭ قاراجاتتارى دا جىمقىرىلعان.
«جالپى شىعىن 26 ملن تەڭگەدەن استى. سوت ورىنداۋشىلارىنا قاتىستى سوتقا دەيىنگى تەرگەۋ امالدارى باستالىپ, كەيىن ولار كەلتىرىلگەن شىعىندى تولىعىمەن وتەدى. تەرگەۋ ناتيجەلەرى بويىنشا ۋاكىلەتتى ورگان ولاردى ليتسەنزيالارىنان ايىرۋ جونىندە شارالار قابىلدايدى», دەلىنگەن حابارلامادا.
قالا پروكۋراتۋراسىنىڭ حابارلاۋىنشا, ۋاكىلەتتى ورگانگا بولاشاقتا مۇنداي قۇقىقبۇزۋشىلىقتاردىڭ الدىن الۋ ءۇشىن قارىز سوماسىن تىكەلەي ءوندىرىپ الۋشىلارعا اۋدارۋ جانە اتقارۋشىلىق سانكتسيالاردى ەسەپتەۋ پروتسەسىندە جاساندى ينتەللەكتتى قولدانۋ ۇسىنىلعان.
