بيىلدان باستاپ 1–11 سىنىپ وقۋشىلارىنا جاساندى ينتەللەكت نەگىزدەرى وقىتىلادى. ماقسات – بالالاردى جي تەحنولوگيالارىن ساۋاتتى باسقارۋعا جانە ءتيىمدى قولدانۋعا ۇيرەتۋ. باعدارلاما وقۋشىلاردىڭ جاس ەرەكشەلىكتەرىنە قاراي بەيىمدەلىپ ەنگىزىلەدى. سونداي-اق جي قولدانۋ ەتيكاسىن تۇسىندىرەتىن ينتەراكتيۆتى «Day of AI» ونلاين كۋرسى بارلىق وقۋشى ءۇشىن قولجەتىمدى بولادى.
10–11 سىنىپ وقۋشىلارىنا باستاپقى كاسىبي بىلىكتىلىك بەرەتىن ەرتە بەيىندىك باعدارلاۋ ەنگىزىلدى. ال كەلەشەك مەكتەپتەرىندە كاسىبي باعدار 7-سىنىپتان باستالادى. بۇل ءۇشىن «مامان» اتتى ارنايى ونلاين-پلاتفورما ازىرلەنىپ جاتىر. جاڭا جۇيە ءار وقۋشىنىڭ قىزىعۋشىلىعى مەن قابىلەتىن ەسكەرىپ, باعىت بەرۋگە مۇمكىندىك جاسايدى.
مەنشىك نىسانىنا قاراماستان, بارلىق ءبىلىم بەرۋ ۇيىمدارىنا «ادال ازامات» ءبىرتۇتاس تاربيە باعدارلاماسى ەنگىزىلدى. باعدارلاما بيىل جالپىۇلتتىق قۇندىلىقتار مەن اباي فيلوسوفياسى نەگىزىندە قايتا جاڭعىرتىلدى. سونىمەن قاتار مەكتەپتەردىڭ بىرىڭعاي ۆيزۋالدى ورتاسىن قالىپتاستىرۋ ءۇشىن برەندبۋك پەن ديزاين-كود ەنگىزىلۋدە.
مەكتەپتەر مەن كوللەدجدەردە بۋللينگتىڭ الدىن الۋ ءۇشىن «دوسبولLIKE» باعدارلاماسى ىسكە قوسىلدى. وقۋشىلاردىڭ ىستىق تاماعى ۆاۋچەرلىك جۇيە ارقىلى «الەۋمەتتىك ءاميان» نەگىزىندە تولەنەدى. 2025 جىلدىڭ سوڭىنا دەيىن بالالاردىڭ مۇددەسىن باستى نازارعا الاتىن «قازاقستان بالالارى» بىرىڭعاي باعدارلاماسى قابىلدانباق.
