پەتروپاۆل. 23 ماۋسىم. ايماق باسشىسى ەرىك سۇلتانوۆتىڭ قاتىسۋىمەن بالالار مەن جاسوسپىرىمدەر شىعارماشىلىعى ورتالىعىندا مەملەكەتتىك قىزمەتشىلەر كۇنىنە ارنالعان سالتاناتتى جيىن ءوتىپ, تاڭداۋلى مەملەكەتتىك قىزمەتشىلەردىڭ ەسىمدەرى بەلگىلى بولدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى.
سالتاناتتى شارانى اشۋ راسىمىندە سويلەگەن سوزىندە ەرىك حامزا ۇلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «100 ناقتى قادام» ۇلت جوسپارىندا كاسىبي مەملەكەتتىك اپپارات جۇمىسىنىڭ نەگىزگى ۇستانىمى حالىققا جانە مەملەكەتكە قىزمەت ەتۋ ەكەنىن اتاپ كورسەتكەنىن ايتا كەلىپ, 535 مەملەكەتتىك ورگانداردا ەڭبەك ەتەتىن 5 مىڭنان استام مەملەكەتتىك قىزمەتشىلەردىڭ كۇش-جىگەرلەرىن دەموكراتيانى جانە قۇقىق ۇستەمدىگىن قامتاماسىز ەتۋگە, ەلدى ەكونوميكالىق دامىتۋعا, ازاماتتارىمىزدىڭ ءال-اۋقاتىن ارتتىرۋعا جۇمىلدىرۋ باستى مىندەت بولىپ تابىلاتىنىن جەتكىزدى. جينالعانداردى كاسىبي مەرەكەمەن قۇتتىقتادى.
بۇدان كەيىن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى توراعاسىنىڭ اتىنان 4 مەملەكەتتىك قىزمەتشىگە «ۇزدىك مەملەكەتتىك قىزمەتشى» توسبەلگىسىن تاپسىردى. 8 مەملەكەتتىك ورگاندار قىزمەتكەرلەرى وبلىس اكىمىنىڭ قۇرمەت گراموتاسى مەن العىس حاتتارعا يە بولدى.
جيىندا «وبلىستىڭ ۇزدىك جاس مەملەكەتتىك قىزمەتشىسى» كونكۋرسىنىڭ جەڭىمپازدارىنا ەسكەرتكىش سىيلىقتار تاپسىرىلدى. بۇل اتالىم بويىنشا ءبىرىنشى ورىندى وبلىس اكىمى اپپاراتىنىڭ جەتەكشى مامانى ازات مۇحامەدياروۆ جەڭىمپاز اتاندى.
مەملەكەتتىك قىزمەتكەرلەردىڭ وتباسىلىق اۋلەتتەرىنە قوشەمەت كورسەتىلدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
