«2005 جىلدان بەرى قىتايلىق كاسىپورىندار قازاقستانعا 27 ميلليارد دوللاردان استام ينۆەستيتسيا قۇيدى. بۇگىنگى تاڭدا قىتاي كاپيتالى بار التى مىڭعا جۋىق كومپانيا جۇمىس ىستەيدى», – دەدى مەملەكەت باسشىسى.
پرەزيدەنتتىڭ ايتۋىنشا, بۇل كومپانيالار قازاقستاننىڭ تەحنولوگيالىق تۇرعىدان دامۋىنا ىقپال ەتىپ, ونەركاسىپتى جاڭعىرتۋ ىسىندە ماڭىزدى ءرول اتقارىپ كەلەدى. «ولار ەلىمىزدىڭ تەحنولوگيالىق تۇرعىدان دامۋىنا سەرپىن بەرىپ, يندۋستريانى جاڭعىرتۋعا ۇلەس قوسىپ وتىر», – دەپ اتاپ ءوتتى توقاەۆ.
سونىمەن بىرگە مەملەكەت باسشىسى قىتايلىق كومپانيالاردىڭ ەنەرگەتيكا, كولىك-لوگيستيكا جانە اۋىل شارۋاشىلىعى سالالارىنداعى جوبالارى ەكى ەلدىڭ ەكونوميكالىق بايلانىسىن تەرەڭدەتىپ وتىرعانىن جەتكىزدى.
«قازاقستان ءۇشىن مۇنداي سەرىكتەستىك جاڭا جۇمىس ورىندارىن اشۋعا جانە ەكونوميكانى ارتاراپتاندىرۋعا جول اشادى. ءبىز مۇنى بولاشاقتا دا جالعاستىرامىز», – دەدى پرەزيدەنت.
