فوتو: اشىق دەرەككوز
بۇگىنگى تاڭدا الماتىدا 6 پەرزەنتحانا بار. ولاردىڭ ءبارى دە قالىپتى جانە كۇردەلى جۇكتىلىكپەن كەلگەن ايەلدەردى بوساندىرۋعا, سونداي-اق كەسار وتاسىن جاساۋعا ماماندانعان. جۇكتى ايەلدەر ءمامس جۇيەسىندە بۇدان باسقا پرەگراۆيدتى دايارلىق, ياعني جۇكتىلىكتى الدىن-الا جوسپارلاۋ, ايەلدى بالا كوتەرگەنگە دەيىن تەكسەرىپ, ەمدەپ, ءتۇرلى دەرت سالدارىنان جۇكتىلىك كەزىندە بولاتىن اسقىنۋلاردىڭ الدىن الۋ سىندى كومەك تۇرلەرىن پايدالانا الادى.
ماسەلەن, 2025 جىلى بۇل باعدارلاماعا قور تاراپىنان 673 ملن تەڭگە قاراستىرىلعان.وعان قوسا جۇكتىلىك كەزىندە اكۋشەر-گينەكولوگتىڭ تۇراقتى باقىلاۋىندا بولۋ, جوسپارلى اناليزدەردى تاپسىرۋ, ۋلترادىبىستىق زەرتتەۋدەن, سكرينينگتەردەن ءوتۋ, سالالىق ماماندار كومەگىنە جۇگىنۋ ت.ب. قىزمەتتەر بار. بۇعان قور 3,8 ملرد تەڭگە بولگەن.
سول سياقتى قالىپتى بوساندىرۋ, كەسار تىلىگىمەن وتا جاساۋ, ءدارى-دارمەكتەرمەن, قوسالقى ماتەريالدارمەن قامتاماسىز ەتۋگە 12 ملرد تەڭگە قاراستىرىلعان.
قازاقستاندا جۇمىس ىستەيتىن جۇكتى ايەلدەرگە ءمامس ءۇشىن جارنانى جۇمىس بەرۋشى, جۇمىس ىستەمەيتىندەر ءۇشىن مەملەكەت تولەيدى. بالا دۇنيەگە كەلگەن ساتتەن باستاپ 18 جاسقا دەيىن مەملەكەت تاراپىنان ساقتاندىرىلادى.
ء«بىزدىڭ ەلىمىزدە بارلىق ايەل ساقتاندىرىلعان. ولاردىڭ ارقايسىسى تەگىن بوسانۋعا حاقىلى. بوساندىرۋعا كەتەتىن شىعىن قانشا بولسا دا ءمامس ەسەبىنەن تولەنەدى», دەيدى الماتى فيليالى ديرەكتورۆ ءىلياس مۇحامەدجان.
