جاڭا تالاپقا ساي, كاسىپكەر بانكتەگى شوتىنان قاراجات العان كەزدە ونىڭ ناقتى ماقساتىن كورسەتۋى كەرەك بولادى. ۇلتتىق بانك بۇل قادامدى جاڭا سالىق كودەكسىنە سايكەستەندىرۋ ءۇشىن جاسالىپ وتىرعانىن ايتادى. ماقسات – قولما-قول اقشا الۋ پروتسەسىن بارىنشا اشىق ەتۋ.
رەگۋلياتوردىڭ ايتۋىنشا, بۇل بيزنەسكە كەدەرگى كەلتىرمەيدى ءارى ەكونوميكالىق بەلسەندىلىككە كەرى اسەر ەتپەيدى.
دەگەنمەن قۇجاتتىڭ تولىق نۇسقاسى ازىرگە جاريالانباعان, پورتالعا تەك قىسقاشا مازمۇنى عانا شىعارىلعان.
ايتا كەتسەك, 2025 جىلدىڭ ساۋىرىندە ەلدە قولما-قول اقشا الۋ كولەمى كەيىنگى سەگىز جىلداعى ەڭ تومەنگى دەڭگەيگە تۇسكەن ەدى. ال جالپى بەرىلگەن كرەديتتەردىڭ قارىز قالدىعى بۇگىندە 45,7 ترلن تەڭگەگە جەتكەن.
