پەتروپاۆل. 23 ماۋسىم. ايماق باسشىسى ەرىك سۇلتانوۆ شال اقىن اۋدانىنا قاراستى كەڭەس وداعىنىڭ باتىرى ىسقاق ىبىراەۆ اتىنداعى اۋىلدا بولىپ, ءوزى وقىعان مەكتەپتىڭ ماتەريالدىق-تەحنيكالىق بازاسىنىڭ جاڭعىرتىلۋىمەن تانىستى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى.
ءبىلىم ۇياسىندا ەكى جۇزگە جۋىق بالا وقيدى. شاعىن ورتالىقققا 30 ءبۇلدىرشىن بارادى. دەمەك, اۋدان ورتالىعىنان 15 شاقىرىم قاشىقتىقتا ورنالاسقان ەلدى مەكەننىڭ بولاشاعى زور دەگەن ءسوز. ەسىمى وڭىرگە تانىمال تۇلعا ماركەن احمەتبەكوۆتىڭ ەسىمىن يەلەنگەن ءبىلىم ءۇيى مەملەكەتتىك باعدارلاما شەڭبەرىندە كۇردەلى جوندەۋدەن وتكەن. بىلىكتى ماماندارمەن تولىقتىرىلعان. سپورت زالى, زاماناۋي كابينەتتەر, مۇراجاي جۇمىس ىستەيدى. جۋىردا بالالار جانە جاسوسپىرىمدەر سپورت مەكتەبىنىڭ بولىمشەسى اشىلىپ, ۇلتتىق ويىندار تۇرىمەن اينالىسۋعا جاعداي جاسالدى.
ەرىك حامزا ۇلى ەكى قاباتتى عيماراتتى ارالاپ كورگەننەن كەيىن ۇلاعاتتى ۇيادان ۇشقالى وتىرعان 16 تۇلەككە ورتا ءبىلىمى تۋرالى اتتەستاتتى سالتاناتتى جاعدايدا تاپسىردى.
ۇجىمعا ەكى سپورت ترەناجەرىن تارتۋ ەتتى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
