بۇل ورايدا اپپارات وتىرىسىندا وڭىردەگى جىلىتۋ ماۋسىمىنا دايىندىق بارىسىن بايانداعان وبلىس اكىمىنىڭ ءبىرىنشى ورىنباسارى زۇلپىحار جولداسوۆ كەنتاۋ قالاسىنداعى جىلۋ ەنەرگەتيكالىق كەشەنىن جاڭعىرتۋ باعىتىندا 2024-2025 جىلداردارى باستالعان 6 قازاندىقتىڭ قايتا قۇرۋ جۇمىستارىن اياقتاۋعا قارجى قارالعانىن اتاپ ءوتتى. قازاندىقتاردىڭ تەحنيكالىق بولىگىنىڭ قۇرىلىس-مونتاج جۇمىستارى تولىق اياقتالعان. قازىرگى تاڭدا №5, №6 قازاندىقتاردىڭ تەحنولوگيالىق پروتسەستەردى باسقارۋدىڭ اۆتوماتتاندىرىلعان جۇيەسىن ورناتۋ جۇمىستارى جۇرگىزىلىپ جاتىر.
سونىمەن قاتار 950 مەتر جىلۋ جەلىلەرىندە قۇرىلىس-مونتاجداۋ جۇمىستارى اياقتالۋعا جاقىن. ءبىرىنشى كەزەك بويىنشا ىشكى ورام جىلۋ جەلىلەرىن قايتا قۇرۋ ماقساتىندا 4,2 شاقىرىم جەلىنى اۋىستىرۋ جوسپارلانسا, ناقتى 5,5 شاقىرىم جەلى اۋىستىرىلدى. جوسپار 130% ارتىعىمەن ورىندالدى. ال, ءىى كەزەك بويىنشا ىشكى ورام جىلۋ جەلىلەرىن قايتا قۇرۋ جۇمىستارىمەن 44,2 شاقىرىمدى قامتۋ جوسپارلانىپ, بۇگىندە ونىڭ 30,5 شاقىرىمى اۋىستىرىلدى. ال سوزاق اۋدانى, قىزەمشەك كەنتىندە №2 جانە №3 قازاندىقتاردى اۋىستىرۋ جوسپارلانعان. سونداي-اق, №4 جانە №6 قازاندىقتاردا جوندەۋ جۇمىستارى جۇرگىزىلۋدە. جوسپارلانعان 3,4 شاقىرىم قۇبىردىڭ 2,4 شاقىرىمى اۋىستىرىلعان. ودان بولەك, تاۋكەنت كەنتىندە جالپى ۇزىندىعى 1,3 شاقىرىم قۇبىردى اۋىستىرۋ جوسپارلانىپ, قازىرگى ۋاقىتتا ونىڭ 400 مەترى اۋىستىرىلىپتى. بۇل جۇمىستاردى جىلىتۋ ماۋسىمى باستالعانعا دەيىن تولىق اياقتاۋ كوزدەلىپ وتىر.
وڭىردە 2025–2026 جىلدارعا ارنالعان جىلىتۋ ماۋسىمىنا 600,6 مىڭ توننا كومىر قاجەت بولسا, قازىرگى ۋاقىتتا كومىرمەن قامتىلۋ كولەمى – 132,8 مىڭ توننا. بۇدان بولەك, 28 كاسىپكەرلىك سۋبەكتىسىنىڭ قويمالارىندا 90,6 مىڭ تونناعا جۋىق كومىر قورى بار. وبلىستىق بيۋدجەتتىك مەكەمەلەردە جىلۋ بەرۋ ماۋسىمىنا دايىندىق جۇمىستارى جۇيەلى اتقارىلۋدا. دەگەنمەن وڭىردە تۇرعىندار مەن جىلىجايلاردىڭ كومىرمەن قامتىلۋ دەڭگەيى ازىرگە تومەن. مىسالى, جەرگىلىكتى تۇرعىنداردى كومىرمەن قامتۋ دەڭگەيى 18% بولسا, جىلىجايلار كومىرمەن 7% قامتىلعان.
