ول ۇزاق مەرزىمدى ەكونوميكالىق ءوسۋدى قولداۋ ءۇشىن ۇلتتىق بانك شارالار قابىلداپ جانە ەكونوميكانى نەسيەلەندىرۋگە بانكتىڭ وتىمدىلىك قابىلەتىن تارتۋ جۇمىستارىن جالعاستىرىپ جاتقانىن ايتتى.
كورپوراتيۆتىك نەسيەلەندىرۋدى ءوسىرۋ جانە بانكتىك وتىمدىلىكتى ۇلتتىق بانكتىڭ قۇرالدارىنان بۇرۋ ءۇشىن سالىقتىق ىنتالاندىرۋ شارالارى كودەكس دەڭگەيىندە كورىنىس تاپتى. سالىق شارالارى مەن اقشا-كرەديت, پرۋدەنتسيالدىق رەتتەۋ قۇرالدارىنىڭ بارلىعى ءتيىمدى شارتتار قالىپتاستىرادى. بانكتەر وتىمدىلىكتى تۇتىنۋشىلىق قارىزدارعا نەمەسە ۇلتتىق بانكتىڭ قۇرالدارىنا جۇمساماي, بيزنەس جوبالارعا جىبەرەتىن بولادى.
ء«بىز ەلىمىزدىڭ ماكروەكونوميكالىق تۇراقتىلىعى مەن دامۋىن قامتاماسىز ەتۋ ءۇشىن مەملەكەت باسشىسىنىڭ رەفورمالارىن جۇيەلى تۇردە ىسكە اسىرامىز. ۇلتتىق بانك ۇزاق مەرزىمدى, ساپالى جانە ينكليۋزيۆتى ەكونوميكالىق وسۋگە, ازاماتتاردىڭ ءال-اۋقاتىن قولداۋعا جاعداي جاساۋ ماقساتىندا باعا جانە قارجى تۇراقتىلىعىنا باسا نازار اۋدارادى», دەپ اتاپ ءوتتى تيمۋر سۇلەيمەنوۆ.ونىڭ ايتۋىشا, مەملەكەت باسشىسىنىڭ تاپسىرماسىنا سايكەس بيىل قارجى اگەنتتىگىمەن بىرلەسىپ قارجى زاڭناماسىن رەفورمالاۋ پاكەتى دايىندالىپ جاتىر. زاڭنامادا بانك سەكتورى, تولەمدەر, باعالى قاعازدار نارىعى جانە باسقا دا ماسەلەلەر قامتىلادى. سونداي-اق, تسيفرلىق قارجى اكتيۆتەرىن رەتتەۋ, ۇلتتىق تسيفرلىق قارجى ينفراقۇرىلىمىن ەنگىزۋ جانە تولەم نارىعىن ودان ءارى دامىتۋ ماسەلەلەرى دە جوسپارلاندى. بۇل ەكونوميكا مەن ازاماتتاردىڭ ءال-اۋقاتىن دامىتۋ جولىنداعى قارجى سەكتورىنىڭ ۇلەسىن ارتتىرادى.
