فوتو: pixabay.com
جوسپار بويىنشا 10 ەنەرگيا بلوگى, 63 قازاندىق پەن 39 تۋربينا جوندەلۋى ءتيىس. قازىردىڭ وزىندە 5 ەنەرگيا بلوگى, 22 قازاندىق پەن 12 تۋربينانىڭ جۇمىسى تولىقتاي اياقتالدى, قالعاندارى ءارتۇرلى كەزەڭدەردە جاڭارتىلىپ جاتىر.
جالپى جوندەۋگە 376,7 ميلليارد تەڭگە قاراستىرىلعان, بۇل وتكەن جىلمەن سالىستىرعاندا 13 پايىزعا ارتىق. ەلەكتر بەرۋ جەلىلەرىندە دە اۋقىمدى جۇمىستار جۇرگىزىلۋدە: 17 مىڭ شاقىرىمعا جۋىق جەلى, 420 قوسالقى ستانسا, 3,5 مىڭ تاراتۋ پۋنكتى مەن ترانسفورماتور جوندەلىپ جاتىر. بۇگىندە ولاردىڭ باسىم بولىگى جاڭارتىلىپ ۇلگەردى. ال جىلۋ جۇيەسىندە 323 شاقىرىم قۇبىردى قايتا سالۋ جوسپارلانسا, سونىڭ 215 شاقىرىمى, ياعني ەكىدەن ءۇش بولىگى ورىندالدى.
ءمينيستردىڭ ايتۋىنشا, بارلىق جوندەۋ جۇمىستارى مەرزىمىندە بىتەدى. دەمەك, بيىل قىستا حالىق جارىق پەن جىلۋدان قيىندىق كورمەي, الاڭسىز وتىرا الادى.
