جوقتان بار جاساعان...

ءدال وسى كۇندەرى جاڭا تۋريستىك نىساننىڭ الدىندا الماتى ءۇشىن ارنايى جاسالعان ايگىلى سۋرەتشى ينكي شونيبارەنىڭ ءمۇسىنى پايدا بولدى. بۇعان دەيىن بيىل مۋزەي الدىنا سالتاناتتى تۇردە قويىلعان جاۋمە پلەنسانىڭ «نادەس» ءمۇسىنى  جۇرتتىڭ ايتارلىقتاي قىزىعۋشىلىعى مەن پىكىرتالاسىن تۋدىرعانىن بىلەمىز.

بريتان-نيگەريالىق ينكا شوني­بارەنىڭ وزىنە كەلسەك, ول وتار­شىل­دىق پەن بولمىس تاقىرىپتارىن زەرت­تەيتىن قازىرگى زاماننىڭ ەڭ تانىمال سۋرەتشىلەرىنىڭ ءبىرى. ونىڭ تۋىندىلارى الەمنىڭ ايگىلى مۇراجايلا­رىن­دا, اتاپ ايتقاندا چيكاگوداعى «Art Institute of Chicago», لوندونداعى «British Museum», پاريجدەگى «Centre Pompidou», ۆاشينگتونداعى «Hirshhorn Museum», نيۋ-يوركتەگى «MoMA», سان-فرانتسيسكوداعى «San Francisco Museum of Modern Art», لوندونداعى «Tate», كەيپتاۋنداعى «Zeitz MOCAA» مەن باسقا دا مۇراجايلاردا  تۇر.

«Almaty Museum of Arts» مۇراجايىنىڭ باستى كىرەبەرىسىنە قو­يىلعان ينكا شونيبارەنىڭ ءمۇسىنى عاسىرلار بويى اتلانت مۇحيتى ار­قى­لى قۇلداردى تاسىمالداعان جەلكەندى كەمەلەردى دە ەسكە سالادى. وسىلاي­شا, «جوقتان بار جاساۋدى» مۇرات تۇت­قان ءمۇسىنشى جەلدىڭ ءوزىن قاعازعا تۇسىر­گىسى كەلەدى. سۋرەتشى ءوز شەبەرحانا­سىندا ماتا مەن شاش كەپتىرگىش ارقىلى ەكسپەريمەنت جاساپ, اۋانىڭ لەبى ماتاعا سوققاندا پايدا بولاتىن پىشىندەردى سۋرەتكە تۇسىرگەن. الماتىدا قا­لاتىن ­تۋىندى اۋىر اليۋمينيدەن جا­سال­عانى­نا قاراماستان, ءمۇسىن جە­ڭىل ءارى اۋا­دا قالقىپ تۇرعانداي اسەر قال­دىرادى.

ورايى كەلىپ تۇرعاندا, «Almaty Museum of Arts» جوباسىنا توقتالاتىن بولساق, جاڭا مۋزەيدىڭ ىرگەتاسىنىڭ قالانۋىنا تانىمال كاسىپكەر, مەتسەنات ءارى وتاندىق كوللەكتسيونەر نۇرلان سماعۇلوۆ قورى مۇرىندىق بولىپ وتىرعانى بەلگىلى. مۋزەيگە مە­تسەناتتىڭ سوڭعى وتىز جىل  بويى جي­ناعان ­700-دەن استام تۋىندىدان تۇرا­تىن سۋرەت جادىگەرلەرى قويىلادى. ونىڭ ىشىندە قازاقستان مەن ورتالىق ازيا­نىڭ, سونداي-اق اتاعى جەر جارعان الەم­دىك سۋرەتشىلەردىڭ كارتينالارى بار.

الماتى