HT.kz, Limpopotravel.kz جانە قىرعىزستانداعى Zyarat.kg تۋروپەراتورلارىنىڭ مالىمەتىنشە, مىسىر بيلىگى 21 جاسقا دەيىنگى شەتەلدىك تۋريستەرگە قاتىستى جاڭا شەكتەۋلەر ەنگىزىپ جاتىر. بۇل شەكتەۋلەر مىسىر سىرتقى ىستەر مينيسترلىگىنىڭ ىشكى بۇيرىعىنا نەگىزدەلگەن. الايدا قازىرگى ۋاقىتتا بۇل اقپارات ۆەدومستۆونىڭ رەسمي سايتىندا جاريالانباعان.
تۋروپەراتورلاردىڭ تۇسىندىرۋىنشە, كامەلەتكە تولماعان تۋريستەر ەندى مىسىرعا كەلەسى شارتتارمەن عانا كىرە الادى:
-
اتا-اناسىمەن بىرگە نەمەسە كەمىندە بىرەۋىمەن ساپار شەگۋى ءتيىس;
-
ەگەر بالا باسقا تۋىستارىمەن (مىسالى, اجەسىمەن, اپكەسىمەن) ساياحاتتايتىن بولسا, كەلەسى قۇجاتتار قاجەت: اتا-انالاردان نوتاريالدى كۋالاندىرىلعان كەلىسىم (ورىس جانە اعىلشىن تىلدەرىندە), تۋ تۋرالى كۋالىك جانە ونىمەن بىرگە جۇرەتىن ادامنىڭ تولقۇجاتى.
2025 جىلعى 15 قىركۇيەكتەن باستاپ بۇل تالاپتار قازاقستان ازاماتتارىنا دا تولىقتاي قولدانىلۋى مۇمكىن. ال قىرعىزستان مەن تاجىكستان ازاماتتارى ءۇشىن وسىنداي ەرەجەلەر 2024 جىلعى 22 تامىزدان باستاپ كۇشىنە ەنگەن.
