فوتو:baq.kz
ايتا كەتەيىك, 2025 جىلدىڭ العاشقى جەتى ايىندا ەكسپورتتاۋشىلارعا كورسەتىلگەن قولداۋ كولەمى وتكەن جىلمەن سالىستىرعاندا 200 ملرد تەڭگەگە ءوسىپ, 394 ملرد تەڭگەگە جەتكەن. قارجىلاندىرىلعان جوبالاردىڭ 71%-ىن شاعىن جانە ورتا بيزنەس وكىلدەرى قۇراپ وتىر. سونىمەن قاتار ورتاشا جانە جوعارى قايتا وڭدەلگەن ونىمدەردىڭ ۇلەسى 83%-عا دەيىن كوتەرىلگەن.
«قازاقستاندىق تاۋارلاردى سىرتقى نارىقتا ىلگەرىلەتۋدى كۇشەيتۋ ءۇشىن حالىقارالىق ينفراقۇرىلىم قالىپتاستىرىلىپ جاتىر. قىتاي پروۆينتسيالارىندا سەرىكتەستىك كەڭسەلەر, وكىلدىكتەر جانە ۇلتتىق پاۆيلوندار ىسكە قوسىلۋدا, سونىڭ ىشىندە ونداي نىساندار چەندۋ, ءۇرىمشى, نانكين جانە شاندۋن پروۆينتسيالارىندا بار. وزبەكستاندا «تەرمەز» حالىقارالىق ساۋدا ورتالىعىنىڭ اۋماعىندا قازاقستاندىق ونىمدەردىڭ ساۋدا پاۆيلونى جۇمىس ىستەپ تۇر. ەكسپورتتى ىلگەرىلەتۋ بويىنشا جۇمىس ءباا, تۇركيا, ءۇندىستان, يران جانە قىتايدا قارقىندى جۇرگىزىلىپ جاتىر», دەپ حابارلادى ۇكىمەتتىڭ ءباسپاسوز قىزمەتى.
بۇعان قوسا, جاڭا نارىقتارعا شىعۋ ءۇشىن ساۋدا-ەكونوميكالىق ميسسيالار وتكىزىلىپ, قازاقستاندىق تاۋارلاردى حالىقارالىق ەلەكتروندىق ساۋدا الاڭدارىنا ورنالاستىرۋ جۇمىستارى بەلسەندى اتقارىلىپ جاتىر. بۇل قاتاردا jd.com, Doiyin, Alibaba سياقتى ءىرى پلاتفورمالار بار.
