فوتو: haberglobal.com
الدىن الا دەرەكتەرگە سايكەس, جۇرگىزۋشى رولدە قالعىپ كەتىپ, جول جيەگىندە تۇرعان جۇك كولىگىنىڭ تىركەمەسىنە سوعىلعان. اپات سالدارىنان ەكى ادام, سونىڭ ىشىندە ءبىر بالا كوز جۇمعان. سونىمەن قاتار تاعى ون جولاۋشى جاراقات العان. ايتا كەتەيىك, جاراقاتتانعانداردىڭ اراسىندا جازعى لاگەرگە بارا جاتقان وقۋشىلار دا بار ەكەندىگى حابارلاندى.
قازا بولعانداردىڭ دەنەلەرى تەكسەرىستەن كەيىن مايىتحاناعا جونەلتىلگەن, ال زارداپ شەككەندەر جاقىن ماڭداعى اۋرۋحانالارعا جەتكىزىلدى. وقيعا ورنىنا پوليتسيا, جەدەل جاردەم, ءورت سوندىرۋشىلەر مەن جەرگىلىكتى بيلىك وكىلدەرى بارعان. شاعىن اۆتوبۋستىڭ ءبىر بولىگى تىركەمەدە قالىپ, دوڭگەلەكتەرىنىڭ ءبىرى جۇك كولىگىنىڭ استىنا قىسىلىپ قالعانى بەلگىلى بولعان.
جۇرگىزۋشى تەرگەۋ كەزىندە رولدە ۇيىقتاپ كەتكەنىن راستاعان.
