سۋرەت: pkzsk.info
قحا سەسسياسىنىڭ جۇمىسىن وبلىس اكىمى عاۋەز نۇرمۇحامبەتوۆ اشىپ, جۇرگىزىپ وتىردى. ول قازاقستان حالقى اسسامبلەياسىنىڭ تاريحى ەلىمىزدىڭ ەگەمەندىك جىلناماسىمەن تىعىز استاسىپ جاتقانىن, وسى ۋاقىت ىشىندە اسسامبلەيا ەلىمىزدەگى بىرلىك پەن تەڭدىكتىڭ, تۇراقتىلىق پەن تىنىشتىقتىڭ رامىزىنە اينالعانىن تىلگە تيەك ەتتى. ودان ءارى اكىم قحا سولتۇستىك قازاقستان وبلىسىنداعى فيليالىنىڭ ءبىرشاما جۇمىستارىنا توقتالدى.
«وبلىستىق اسسامبلەيا مەملەكەتتىك ءتىلدى ناسيحاتتاۋعا بەلسەندى قاتىسادى. وسى رەتتە «ورىس, سلاۆيان جانە كازاك ۇيىمدارىنىڭ قاۋىمداستىعى» جانىندا قازاق ءتىلىن اۋىزەكى تىلدە سويلەۋ كلۋبى قۇرىلعان. ونىڭ اشىلۋىنا يۋليا روديونوۆا ءوز ۇلەسىن قوستى. ال «باربانگ» كۇردتەر قاۋىمداستىعىنىڭ» وبلىستىق فيليالى حۋدايبەرگەن افانديەۆتىڭ جەتەكشىلىگىمەن ءوز كاسىپورنىندا قىزمەتكەرلەر اراسىندا قازاق ءتىلىن ۇيرەنۋ تاجىريبەسىن تابىستى جۇرگىزىپ وتىر», دەدى ع.نۇرمۇحامبەتوۆ.
قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءازىلحانوۆ مەملەكەت باسشىسىنىڭ قحا-نىڭ XXXIV سەسسياسىندا جۇكتەگەن تاپسىرمالارىن ىسكە اسىرۋ, ەتنوسارالىق بىرلىكتى نىعايتۋ, اقپاراتتىق-ءتۇسىندىرۋ جۇمىسىنىڭ تيىمدىلىگىن ارتتىرۋ, ازاماتتىق قوعام ينستيتۋتتارىن قحا جوبالارىن جۇزەگە اسىرۋعا تارتۋ, سونداي-اق ەتنومەدياتسيا ينستيتۋتىن دامىتۋ ماسەلەلەرى بويىنشا ءوز ويىن ورتاعا سالدى.
سەسسيا بارىسىندا وبلىستىق اسسامبلەيا توراعاسىنىڭ قوعامدىق نەگىزدەگى ورىنباسارى قىزمەتىنە ەۆرەي ەتنو-مادەني بىرلەستىگىنىڭ توراعاسى راشبيل ەۆداەۆ تاعايىندالاتىنى جاريالاندى.
سەسسيا سوڭىندا اسسامبلەيا جۇمىسىنا بەلسەندى قاتىسقان ازاماتتارعا م.ءازىلحانوۆ «العىس» توسبەلگىسىن تاپسىردى. اتاپ ايتقاندا, «تاجىك ەتنو-مادەني ورتالىعى» فيليالىنىڭ توراعاسى ۋ.رادجابوۆ, «كوپەرنيك» پولياك مادەني ورتالىعىنىڭ توراعاسى ۆ.كورنەۆا, «قوعامدىق كەلىسىم» كمم باسشىسىنىڭ ورىنباسارى ب.بازارباەۆ وسى قۇرمەتكە لايىن دەپ تانىلدى. ال ىزگىلىكتىڭ, رۋحاني كەلىسىمنىڭ, دوستىق پەن ەتنوسارالىق بىرلىكتى نىعايتۋدىڭ گۋمانيستىك مۇراتتارىنا جوعارى قىزمەت ەتكەنى ءۇشىن قازاقستان حالقى اسسامبلەياسىنىڭ العىسحاتىمەن «باربانگ» كۇرد قاۋىمداستىعى بىرلەستىگىنىڭ مۇشەسى ك.بادىروۆ, تاتار-باشقۇرت قوعامدىق بىرلەستىگىنىڭ بەلسەندىسى ر.رامازانوۆا ماراپاتتالدى. ەتنوسارالىق كەلىسىم مەن جالپىۇلتتىق بىرلىكتى نىعايتۋعا قوسقان ۇلەسى ءۇشىن سولتۇستىك قازاقستان وبلىسى اكىمىنىڭ العىسحاتتارى ي.سوروكينگە, ۆ.بەدەشوۆكە, ا.دجانۋنتسكە, م.حارسيەۆكە, ت.ب. بەرىلدى.
وسى كۇنى م.قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ بازاسىندا جوو-نىڭ ستۋدەنتتىك اسسامبلەياسى اشىلدى.
پەتروپاۆل
