مۇنداي رۋحاني ايالدامالاردىڭ العاشقىسى كوكپەكتى اۋلىندا اشىلعان ەدى. وندا QR-كود ورناتىلعان. ونى كوكپەكتىلىكتەر مەن اۋىل قوناقتارى, جولاۋشىلار سكانەرلەپ ابايدىڭ ولەڭدەرىن وقىپ, ونىڭ شىعارمالارىنىڭ اۋديو نۇسقاسىن دا تىڭداي الادى. جانە اقىننىڭ ءومىرى مەن شىعارماشىلىعىنان مول ماعلۇمات الادى. وسىلايشا, ايالداما مادەني-اعارتۋ الاڭىنا اينالدى.
وسىنداي نۇسقاداعى ايالداما اۋداننىڭ بوتاقارا كەنتى مەن دوسكەي اۋىلىندا دا پايدا بولدى. ولار مادەني-اعارتۋشىلىق ۇلگىدە بەزەندىرىلىپ, ستەندتەرىندە ابايدىڭ ءومىربايانى, ولەڭدەرى مەن قارا سوزدەرىنەن ۇزىندىلەر, اقىننىڭ ءومىر سۇرگەن ءداۋىرىن بەينەلەيتىن فوتوسۋرەتتەر مەن يلليۋستراتسيالار ورنالاستىرىلعان. ۇلتتىق ويۋ-ورنەكتەرمەن جانە قانىق تۇستەرمەن بەدەرلەنگەن ايالداما ەلدى مەكەندەرگە ەرەكشە كورىك بەرىپ تۇر.
– ابايدىڭ ادەبي ايالدامالارى اباتتاندىرۋ نىسانى عانا ەمەس, وسكەلەڭ ۇرپاققا كەمەڭگەردىڭ سوڭىندا قالدىرعان ماڭگىلىك مۇراسىن ەسكە سالۋدىڭ ءبىر جولى, – دەيدى وسى جوبا باستاماشىلارى.
قاراعاندى وبلىسى,
بۇقار جىراۋ اۋدانى
