اكىمنىڭ ايتۋىنشا, قازىرگى تاڭدا ەلوردادا جىلۋ قۋاتىن ارتتىرۋ بويىنشا ناقتى شارالار قابىلدانعان. بۇل, اسىرەسە, گاز جىلۋ ستانتسيالارىن (گجس) سالۋ ەسەبىنەن جۇزەگە اسۋدا.
ء«بىز قازىردىڭ وزىندە گاز جىلۋ ستانتسيالارىنىڭ قۇرىلىسى ارقىلى قالانىڭ جىلۋ قۋاتىن ۇلعايتتىق. بۇل جاڭا نىسانداردى پايدالانۋعا بەرۋگە مۇمكىندىك بەرەدى», دەدى جەڭىس قاسىمبەك.
سونداي-اق جاڭا قوسالقى ەلەكتر ستانتسيالارى سالىنىپ, قولدانىستاعى نىساندار جاڭعىرتىلىپ جاتىر.
2023 جىلدىڭ كوكتەمىندە استانادا سۋ تاپشىلىعى ماسەلەسى ورىن العان ەدى. بۇل جاعدايدىڭ قايتالانباۋى ءۇشىن كەشەندى شارالار قابىلدانىپ, سول جىلى جازدا جاڭا سۋ قۇبىرى مەن ءۇشىنشى سورعى-سۇزگى ستانتسياسى (سسس-3) ىسكە قوسىلعان.
«قازىرگى ۋاقىتتا قالادا قۋات تاپشىلىعى جوق. بۇدان بولەك, الداعى جىلدارعا ارنالعان قور دا بار», دەپ اتاپ ءوتتى قالا اكىمى.
استانانى قوسىمشا تۇراقتى سۋمەن قامتۋ ماقساتىندا «تەلمان» سورعى ستانتسياسىندا تەحنيكالىق سۋ قۇبىرى سالىنىپ جاتىر. بۇل جوبا سورعى ستانتسياسىنىڭ جوبالىق قۋاتىن تاۋلىگىنە 160 مىڭ م³ كولەمىندە تولىق ىسكە قوسۋعا مۇمكىندىك بەرەدى. سونىمەن قاتار نۇرا جەراستى سۋ ورنىندا سۋ قۇبىرى سالۋ جوباسى ازىرلەنىپ جاتىر.
ۇزاقمەرزىمدى شارالاردىڭ ءبىرى رەتىندە, ق.ساتباەۆ اتىنداعى ارنادان جاڭا سۋ قۇبىرى مەن ءتورتىنشى سورعى-سۇزگى ستانتسياسىنىڭ (سسس-4) قۇرىلىسى باستالدى. بۇل جوبانىڭ نەگىزگى كورسەتكىشتەرى:
-
سۋ الۋ نىسانىنىڭ ونىمدىلىگى – تاۋلىگىنە 342 مىڭ م³,
-
سسس-4 قۋاتى – تاۋلىگىنە 210 مىڭ م³.
اتالعان جوبانىڭ ىسكە اسىرىلۋى 2035 جىلعا دەيىن قالا حالقىن تازا اۋىز سۋمەن تۇراقتى قامتاماسىز ەتۋگە مۇمكىندىك بەرەدى.
سونىمەن قاتار, حۋسەين بەن تالال كوشەسىنەن سىعاناق كوشەسىنە دەيىنگى سۋ قۇبىرىن تۇيىقتاۋ جوباسى ازىرلەنىپ جاتىر. بۇل تۇران داڭعىلىنىڭ باتىس بولىگىندەگى تۇرعىن اۋدانداردى سۋمەن قامتۋ ماسەلەسىن شەشەدى. جوبالاۋ جۇمىستارى 2025 جىلدىڭ جەلتوقسانىندا اياقتالادى.
