Mgorod.kz مالىمەتىنشە, شەكارادان ءوتۋ ءۇشىن تاسىمالداۋشىلارعا «شاعان» (قر) – «تيوپلوە» (رف), «اقساي» (قر) – «يلەك» (رف) جانە «تاسقالا» (قر) – «وزينكي» (رف) بەكەتتەرى ۇسىنىلعان. دەگەنمەن سوڭعى كۇندەرى ەڭ ۇلكەن جۇك كولىكتەرىنىڭ لەگى «وزينكيگە» شوعىرلانعان.
ۇقك شەكارا قىزمەتىنىڭ بقو بويىنشا باسقارماسى كەزەكتىڭ ۇلعايۋىن نەگىزگى تاسىمال باعىتىنىڭ ساراتوۆ وبلىسىنا اۋىستىرىلۋىمەن بايلانىستىرادى.
«مەملەكەتتىك شەكارادا ءتارتىپتى قامتاماسىز ەتۋ ءۇشىن بارلىق شارالار قابىلدانىپ جاتىر. بىراق „وزينكي“ بەكەتىندە جۇك كولىكتەرى كوپتەپ كەلۋدە. ولاردىڭ كوبىندە جۇك بولىگىندە تەحنولوگيالىق وتكەلدەر بولماعاندىقتان, تەكسەرۋ ۋاقىتى ۇزارىپ, وتكىزۋ قارقىنى باياۋلاپ وتىر», – دەلىنگەن ۆەدومستۆو حابارلاماسىندا.
قىزمەت وكىلدەرى راسىمدەۋدى جەدەلدەتىپ, كەزەكتەردى ازايتۋ ءۇشىن تاسىمالداۋشىلارعا جۇك بولىكتەرىن الدىن الا ارنايى وتكەلدەرمەن جابدىقتاپ جۇرۋگە كەڭەس بەردى.
