بۇل وپەراتسيا رەسپۋبليكالىق دەڭگەيدە ۇيلەستىرىلىپ, ارنايى مامانداردىڭ قاتىسۋىمەن ءوتتى. دونوردىڭ جۇرەگى مەن بۇيرەكتەرى ەكى ءتۇرلى پاتسيەنتكە اۋىستىرىلىپ, ولار ومىرلىك ماڭىزدى مەديتسينالىق كومەكتى دەر كەزىندە الدى.
اعزالاردى الۋ مەن جەتكىزۋ پروتسەسىنە ۇلتتىق عىلىمي ونكولوگيا ورتالىعى مەن «UMC» كورپوراتيۆتىك قورىنىڭ ترانسپلانتولوگ-دارىگەرلەرى قاتىستى. ناۋقاستار – اعزانى كۇتۋ پاراعىندا تۇرعان ازاماتتار – بىردەن رەسپۋبليكالىق تىركەلىم ارقىلى انىقتالىپ, وپەراتسيا شۇعىل جاسالدى.
بۇل جاعداي قازاقستاندا قايتىس بولعاننان كەيىنگى دونورلىق پەن ترانسپلانتولوگيا سالاسىنىڭ ماڭىزدىلىعىن تاعى ءبىر مارتە كورسەتتى. دونور بولعان ازاماتتىڭ تۋىستارى كەلىسىم بەرىپ, ەكى ادامنىڭ ءومىرىن ساقتاپ قالۋعا سەبەپكەر بولدى.
2025 جىلعى 10 تامىزداعى مالىمەت بويىنشا, ەلىمىزدە ترانسپلانتاتسيانى كۇتىپ جاتقان ادامدار سانى 4 384-كە جەتتى. ولاردىڭ اراسىندا:
- 3 890 ەرەسەك پەن 90 بالاعا بۇيرەك,
- 201 ەرەسەك پەن 21 بالاعا باۋىر,
- 25 ەرەسەك پەن 2 بالاعا وكپە,
- 143 ەرەسەك پەن 6 بالاعا جۇرەك,
- 4 ەرەسەك پەن 2 بالاعا جۇرەك-وكپە كەشەنى قاجەت.
بۇل دەرەكتەر قازاقستاندا اعزا دونورلىعىنا دەگەن قاجەتتىلىك جوعارى ەكەنىن جانە بۇل باعىتتاعى مادەنيەتتى دامىتۋ ماڭىزدى ەكەنىن كورسەتەدى.
