ستالكينگ – ازاماتتىڭ كەلىسىمىنسىز ونى اڭدۋ نەمەسە بايلانىس ورناتۋعا ۇمتىلۋ ارەكەتتەرى, ياعني كۇش قولدانبايتىن, بىراق ادامنىڭ ەركىنە قارسى باعىتتالعان, جەكە ومىرگە ەلەۋلى زيان كەلتىرەتىن قۋدالاۋ ءتۇرى.
جاڭا زاڭعا سايكەس مۇنداي ارەكەت ءۇشىن:
200 ايلىق ەسەپتىك كورسەتكىشكە دەيىنگى ايىپپۇل,
200 ساعاتقا دەيىنگى قوعامدىق جۇمىستار,
نەمەسە 50 تاۋلىككە دەيىنگى قاماۋ جازاسى قاراستىرىلعان.
باس پروكۋراتۋرا اتاپ وتكەندەي, ەگەر ستالكينگ كۇش قولدانۋمەن, قورقىتۋمەن, بوپسالاۋمەن نەمەسە جەكە ومىرگە قول سۇعۋمەن قاتار جۇرسە, ول قوسىمشا قىلمىستىق كودەكستىڭ وزگە باپتارىمەن قوسا قاراستىرىلادى.
«قىلمىستىق قۋدالاۋ تەك ناقتى زيان كەلگەن جاعدايدا باستالادى. ماسەلەن, جەكە ومىرگە قول سۇعۋ, ءجۇرىپ-تۇرۋ ەركىندىگىنىڭ شەكتەلۋى نەمەسە پسيحولوگيالىق قىسىم جاسالسا, بۇل باپ قولدانىلادى. جاۋاپكەرشىلىك ەنگىزۋدىڭ نەگىزگى ماقساتى – قۇربانداردى ەرتە كەزەڭدە قورعاۋ جانە قوعامدا اگرەسسيۆتى مىنەز-ق ۇلىققا مۇلدە توزبەۋشىلىك قاعيداتىن قالىپتاستىرۋ», دەلىنگەن رەسمي حابارلامادا.
سونىمەن قاتار نادزورلىق ورگان ستالكينگ ۇعىمىنا قۇقىق قورعاۋ ورگاندارىنىڭ زاڭ شەڭبەرىندە جۇرگىزەتىن ارەكەتتەرى كىرمەيتىنىن ءتۇسىندىردى.
گەنەرالدى پروكۋراتۋرا ازاماتتاردى ستالكينگ بەلگىلەرى بايقالعان جاعدايدا بەيجاي قالماي, دەرەۋ ىشكى ىستەر ورگاندارىنا جۇگىنۋگە شاقىردى.
