اكتسيا وبلىستىڭ بارلىق قالالارى مەن اۋداندارىندا ءوتتى.
جەزقازعان قالاسىندا «تازا قالا» اكتسياسى جاستار, ەرىكتىلەر مەن قالا تۇرعىندارىنىڭ قاتىسۋىمەن الاشاحان داڭعىلى بويىندا ۇيىمداستىرىلىپ, ورتالىق كوشەلەرى تازالاندى.
ساتباەۆ قالاسىندا «ايالى جەر - تازا جەر» اتتى ءىس-شارا سپورتتىق-ساۋىقتىرۋ كەشەنىندە ءوتىپ, تۇرعىندارمەن قاتار قوعامدىق ۇيىم وكىلدەرى ەكولوگيالىق مادەنيەتتى ناسيحاتتادى.
قاراجال قالاسى مەن جايرەم كەنتىندە اقساقالدار كەڭەسى, ءماسليحات دەپۋتاتتارى مەن جاستاردىڭ بەلسەندى قاتىسۋىمەن ساياباقتار مەن دەمالىس ورىندارى تازارتىلدى.
جاڭاارقا اۋدانىندا «تازا اۋدان» اكتسياسى اياسىندا ورتالىق الاڭ مەن قوعامدىق ورىنداردا سەنبىلىك ءوتتى.
ۇلىتاۋ اۋدانىندا, ەمبۇلاق وڭىرىندە جاستار رەسۋرستىق ورتالىعى ۇيىمداستىرعان تازالىق شاراسىنا اۋىل تۇرعىندارى مەن جاستار بەلسەندىلىك تانىتتى.
اكتسياعا مەملەكەتتىك ورگاندار وكىلدەرىمەن قاتار, بلوگەرلەر, قوعامدىق ۇيىم مۇشەلەرى, جاستار جانە ەرىكتىلەر قاتىستى. رەسپۋبليكالىق جانە وبلىستىق باق وكىلدەرى اقپاراتتىق قولداۋ كورسەتتى.
2025 جىلدىڭ باسىنان بەرى ۇلىتاۋ وبلىسىندا «تازا قازاقستان» رەسپۋبليكالىق اكتسياسى اياسىندا جەتى وبلىستىق جانە سەگىز قالالىق سەنبىلىك وتكىزىلدى. بۇعان قوسا, اپتا سايىن قالا مەن اۋدانداردا «تازا بەيسەنبى» شاراسى وتكىزىلىپ كەلەدى.
2025 جىلدىڭ باسىنان باستاپ «تازا قازاقستان» اكتسياسىنا 44 مىڭنان استام ادام قاتىستى. سونداي-اق 870 ارنايى تەحنيكا بىرلىگى جۇمىلدىرىلىپ, 3520 توننا قوقىس شىعارىلدى.
ۇلىتاۋ وبلىسى
