اگەنتتىكتىڭ دەرەگىنە سۇيەنسەك, ۇلىبريتانيا مەن فرانتسيا بۇل قادامعا اشىق قاراپ وتىر. اسكەردىڭ ناقتى سانى, ولاردىڭ قاي جەردە ورنالاساتىنى جانە ميسسياسىنىڭ سيپاتى ءالى شەشىلگەن جوق. دەگەنمەن, ەۋروپانىڭ بىرقاتار ەلى ۋكرايناعا اسكەري كومەك كورسەتۋدى كۇن تارتىبىنە قويىپ وتىر.
ال ازىرگە اسكەر جىبەرۋگە دايىن باسقا مەملەكەتتەردىڭ اتى جاريالانبادى. سونداي-اق اقش-تىڭ بۇل جوسپارعا قانشالىقتى قولداۋ بىلدىرەتىنى دە بەلگىسىز بولىپ وتىر.
Bloomberg مالىمەتىنشە, ۋكرايناعا ارنالعان قاۋىپسىزدىك كەپىلدىكتەرىنىڭ جاڭا پاكەتى وسى اپتادا دايىن بولماق. بۇل باستاما ۆلاديمير پۋتين مەن ۆلاديمير زەلەنسكيدىڭ كەزدەسۋى قارساڭىندا كيەۆتىڭ ۇستانىمىن بارىنشا كۇشەيتۋ ءۇشىن قولعا الىنىپ وتىر.
ەۋروپانىڭ مۇنداي شەشىمى سوعىس بارىسىنا وزگەشە باعىت بەرۋى مۇمكىن. دەگەنمەن ساراپشىلاردىڭ ايتۋىنشا, ۋكرايناعا تىكەلەي اسكەر جىبەرۋ رەسەي مەن باتىس اراسىنداعى قاقتىعىستى ودان ءارى ۋشىقتىرۋ قاۋپىن دە تۋدىرادى.
