سالتاناتتى ءىس-شاراعا قازاقستان رەسپۋبليكاسى توتەنشە جاعدايلار ۆيتسە-ءمينيسترى, گەنەرال-مايور راميل كامالوۆ, اۋدان باسشىلىعى مەن جەرگىلىكتى تۇرعىندار قاتىستى.
جاڭادان اشىلعان بەكەت «نۋريد» جشس اۋماعىندا ورنالاسقان. ونىڭ قىزمەتىن قامتاماسىز ەتۋ ءۇشىن قاراعاندى وبلىستىق توتەنشە جاعدايلار دەپارتامەنتى زيل اتس-4-40 ماركالى ءورت ءسوندىرۋ كولىگىن بەردى. ارنايى تەحنيكا ءورت سوندىرۋگە قاجەتتى زاماناۋي جابدىقتارمەن تولىق جابدىقتالعان.
سونىمەن قوسا, بەكەت 10 دانا ارقاعا اساتىن ءورت سوندىرگىشپەن, ەرىكتى ءورت سوندىرۋشىلەرگە ارنالعان ارنايى قورعانىش كيىمى بار ءۇش جيىنتىقپەن, ەكى اككۋمۋلياتورلى جوعارى قىسىمدى قۇرىلعىمەن جانە ەكى جيىنتىق جاۋىنگەرلىك كيىممەن قامتاماسىز ەتىلدى. قىزمەتكەرلەر ءۇشىن ديسپەتچەرلىك بولمە مەن دەمالىس ورنى قاراستىرىلعان.
اشىلۋ راسىمىندە مەملەكەت پەن بيزنەستىڭ سەرىكتەستىگىنە دە نازار اۋدارىلدى. احمەت اۋىلى اكىمى اپپاراتى مەن «نۋريد» جشس اراسىندا ىنتىماقتاستىق تۋرالى مەموراندۋمعا قول قويىلدى.
ءورت ءسوندىرۋ بەكەتى «اۋىل قۇتقارۋشىلارى» رەسپۋبليكالىق باعدارلاماسى اياسىندا اشىلدى.
