سۋبسيديالاناتىن جۇمىس ورىندارىنا مانساپ ورتالىقتارى ارقىلى 129,8 مىڭ ادام جىبەرىلگەن. ونىڭ ىشىندە: الەۋمەتتىك جۇمىس ورىندارىندا 11,5 مىڭ, جاستار پراكتيكاسىندا 9,1 مىڭ, قوعامدىق جۇمىستاردا 91,7 مىڭ ادام «ەكى قولعا ءبىر كۇرەك» تاپقان. ال «كۇمىس جاس» جوباسى اياسىندا 14,8 مىڭ, «العاشقى جۇمىس ورنى» جوباسىمەن 2,6 مىڭ, سونداي-اق «ۇرپاقتار كەلىسىمشارتىمەن» 90 ادام جۇمىسپەن قامتىلدى. ەڭبەك نارىعىنداعى سۇرانىسقا يە داعدىلار بويىنشا ونلاين وقىتۋ كۋرسىنا 48,5 مىڭ جۇمىسسىز تىركەلىپ, ونىڭ ىشىندە 45,3 مىڭى وقۋدى اياقتادى.
«باستاۋ بيزنەس» جوباسىندا كاسىپكەرلىك نەگىزدەرىنە وقىتۋمەن 34,6 مىڭ ادام قامتىلىپ, 19 مىڭ كاسىپ باستاۋشى وقۋدى اياقتاپ, سەرتيفيكات الدى.
جۇمىس بەرۋشىلەردىڭ ءوتىنىشى نەگىزىندە كاسىپتىك وقىتۋعا 4 610 ادام جىبەرىلدى, ونىڭ ىشىندە 834 ادام وقۋدى اياقتاعان. بۇدان باسقا, قىزمەت سالاسىن تاڭداۋ ماقساتىندا كاسىپتىك ورتالىقتاردا 224,3 مىڭ ادام الەۋمەتتىك كاسىپتىك باعدارلاۋدان ءوتىپ, كەڭەس بەرۋ قىزمەتتەرىنە جۇگىندى.
ازاماتتاردى جۇمىسقا ورنالاستىرۋ بىرنەشە باعىتتا جۇزەگە اسىپ, ەڭبەكپەن قامتىلعاندارعا مىندەتتى زەينەتاقى جارنالارى اۋدارىلادى. قاڭتار-شىلدە ايلارى ارالىعىندا حالىقتى جۇمىسپەن قامتۋعا جاردەمدەسۋدىڭ بەلسەندى شارالارى شەڭبەرىندە – 129,8 مىڭ; ەلەكتروندىق ەڭبەك بيرجاسىندا جۇمىس بەرۋشىلەر ورنالاستىرعان بوس ورىندارعا – 86,2 مىڭ; مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى شەڭبەرىندە – 66,3 مىڭ; ورتالىق مەملەكەتتىك ورگاندار ىسكە اسىراتىن جوبالار شەڭبەرىندە – 9,9 مىڭ ادام جۇمىس تاپتى. سونىمەن قاتار وسى جىلى حالىقتىڭ الەۋمەتتىك وسال ساناتتارىنا جاڭا بيزنەس-باستامالاردى جۇزەگە اسىرۋ ءۇشىن 400 اەك-كە دەيىن (1 572 800 تەڭگە) 9 مىڭ گرانت بەرۋ كوزدەلگەن. ءبىرىنشى لەكتە 4,2 مىڭ گرانت بەرىلدى. 11 تامىزدان باستاپ «Business.Enbek» پورتالىندا 2-لەككە ۇمىتكەرلەردەن وتىنىشتەردى قابىلداۋ باستالدى.
