بقو پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى انىقتاعانىنداي, كۇدىكتى بۇرىنعى قىزىنىڭ ينتيمدىك سيپاتتاعى فوتوسۋرەتتەرىن ينتەرنەتكە تاراتامىن دەپ قورقىتىپ, ودان ءۇش جىل بويى اقشا تالاپ ەتكەن.
دەپارتامەنتتەن تۇسكەن مالىمەتكە قاراعاندا, وسى ۋاقىت ارالىعىندا جابىرلەنۋشى 9 ملن تەڭگەسىن بەرگەن. بوپسالاۋ دەرەكتەرى بانكتىك اۋدارىمدارمەن جانە مەسسەندجەردەگى حات-حابارلارمەن دالەلدەنگەن.
- كۇدىكتى 150 مىڭ تەڭگە كولەمىندەگى قاراجاتتى كەزەكتى رەت العان ساتىندە قىلمىس ۇستىندە ۇستالدى. اتالعان دەرەك بويىنشا قىلمىستىق ءىس قوزعالىپ, تەرگەۋ امالدارى جۇرگىزىلۋدە. ءىستىڭ تەرگەلۋى دەپارتامەنت باسشىلىعىنىڭ باقىلاۋىندا, - دەپ حابارلادى ۆەدومستۆودان.
