فوتو: akorda.kz
عابيت سىزدىقبەكوۆتىڭ ايتۋىنشا, جىل باسىنان بەرى نەگىزگى كاپيتالعا سالىنعان ينۆەستيتسيا كولەمى 31 پايىزعا ۇلعايىپ, 360 ميلليارد تەڭگەنى قۇراعان. بيىل ونەركاسىپ سالاسىندا جالپى قۇنى 680 ميلليارد تەڭگە بولاتىن ءونىم وندىرىلگەن. قۇرىلىس قارقىن الىپ, 517 مىڭ شارشى مەتردەن استام تۇرعىن ءۇي پايدالانۋعا بەرىلگەن.
قاسىم-جومارت توقاەۆقا شىمكەنتتىڭ ونەركاسىپتىك الەۋەتىن ارتتىرۋ ءۇشىن «جۇلدىز» جانە «بوزارىق» جاڭا يندۋستريالىق ايماقتارى ىسكە قوسىلعانى ايتىلدى. شاھاردا شاعىن جانە ورتا بيزنەس سۋبەكتىلەرىنىڭ سانى 139 مىڭنان استى. اتالعان سەكتوردا 245 مىڭعا جۋىق ادام جۇمىس ىستەيدى.
پرەزيدەنتكە شىمكەنت قالاسىنىڭ ينفراقۇرىلىمىن جاڭعىرتۋ جۇمىستارى جايىندا باياندالدى. جاڭا اۋەجاي تەرمينالى سالىنىپ, تەمىرجول ۆوكزالى رەكونسترۋكتسيادان ءوتتى. «كەلەشەك مەكتەپتەرى» ۇلتتىق جوباسى اياسىندا 12 مەكتەپ جانە وقۋشىلار سارايى پايدالانۋعا بەرىلدى. سونىمەن قاتار شاعىن فۋتبول ورتالىعى مەن سپورت كەشەنى بوي كوتەردى.
مەملەكەت باسشىسىنا جول-كولىك ينفراقۇرىلىمىنىڭ دامۋى جونىندە ايتىلدى. وڭتۇستىك اينالما جولى جانە 2 ءىرى جولايرىق پايدالانۋعا بەرىلدى. قوعامدىق قاۋىپسىزدىكتى قامتاماسىز ەتۋ ءۇشىن بىلتىر – 2 270, بيىل 2 743 كوشە جارىقتاندىرىلدى.
پرەزيدەنت تاپسىرماسىنا ساي, اكتيۆتەردى مەملەكەت مەنشىگىنە قايتارۋ جۇمىستارى جالعاسىپ جاتىر. اتاپ ايتقاندا, مۇز سارايى, ورتالىق سۋ سپورتى كەشەنى, №2 قالالىق ەمحانا, «قيال الەمى» تەحنوپاركى مەن «كەڭ بابا» ساياباعى مەملەكەت مەنشىگىنە وتكەن.
كەزدەسۋ سوڭىندا قاسىم-جومارت توقاەۆ عابيت سىزدىقبەكوۆكە قالا ەكونوميكاسىن ودان ءارى ءارتاراپتاندىرۋ, قوسىمشا ينۆەستيتسيا تارتۋ, شاعىن جانە ورتا بيزنەستى قولداۋ شارالارىن كۇشەيتۋ, اۋەجايعا جاڭا ۇشۋ-قونۋ جولاعىن توسەۋ, مەكتەپتەردەگى ورىن تاپشىلىعى ماسەلەسىن شەشۋ, قالا تۇرعىندارىن باسپانامەن قامتۋ, سونداي-اق جول ينفراقۇرىلىمىن جاڭعىرتۋ جونىندە ناقتى مىندەتتەر جۇكتەدى.
