فوتو: anatili.kazgazeta.kz
جوبا بىرنەشە كەزەڭنەن تۇرادى. الدىمەن «ورلەۋ» ترەنەرلەرى ۇلتتىق بانكتىڭ 100 وڭىرلىك فيليالىنىڭ قىزمەتكەرلەرىن زاماناۋي وقىتۋ ادىستەرىنە ۇيرەتەدى. باعدارلاما كوۋچينگ پەن فاسيليتاتسيا, توپتىق جۇمىس, ۇلتتىق قارجى جۇيەسى, ينۆەستيتسيا جانە قارجىنى باسقارۋدىڭ قازىرگى تاسىلدەرىن قامتيدى.
قىركۇيەكتەن باستاپ مەكتەپ پەن كوللەدجدەردە «جاھاندىق قۇزىرەتتىلىك» ءپانىن وقىتاتىن 6 مىڭعا جۋىق مۇعالىم بەس كۇندىك كۋرستان وتەدى. 2026 جىلى تاعى شامامەن 4 مىڭ پەداگوگ قامتىلماق. باعدارلاما ۇستازدارعا قارجىلىق مادەنيەتتى وقۋ ۇدەرىسىنە ەنگىزۋگە, ال وقۋشىلار مەن ستۋدەنتتەرگە قارجىنى ءتيىمدى باسقارۋ داعدىلارىن دارىتۋعا جول اشادى.
بۇل جوبا قارجى پيراميدالارى مەن الاياقتىقتىڭ الدىن الىپ, ازاماتتاردىڭ قارجىلىق قاۋىپسىزدىگىن كۇشەيتۋگە باعىتتالعان. «ورلەۋ» مەن ۇلتتىق بانكتىڭ سەرىكتەستىگى پەداگوگتەردىڭ كاسىبي دامۋىن قولداپ, جاس ۇرپاققا جەكە قارجىنى ساۋاتتى باسقارۋعا قاجەتتى زاماناۋي ءبىلىم بەرەدى.
