م.اشىمباەۆ ت.نارباەۆاعا ءىلتيپات ءبىلدىرىپ, دەلەگاتسيا مۇشەلەرىن وزبەكستاننىڭ كەلە جاتقان تاۋەلسىزدىك كۇنىمەن قۇتتىقتادى. سونداي-اق ول ەكى ەلدى تەرەڭنەن تامىر تارتاتىن باۋىرلاستىق, دوستىق, تاتۋ كورشىلىك ءداستۇر بايلانىستىراتىنىن اتاپ ءوتتى. پالاتا سپيكەرى مەملەكەت باسشىلارى ايقىنداپ بەرگەن ءوزارا ءىس-قيمىلدىڭ جوعارى قارقىنىن ءارى قاراي جالعاستىرۋ, سونىمەن قاتار ورنىقتى بولاشاققا قول جەتكىزۋ جانە ورتالىق ازيانىڭ ورتاق مىندەتتەرىن ىسكە اسىرۋ جولىندا بىرلەسكەن ءىس-قيمىلدىڭ ماڭىزدى ەكەنىنە نازار اۋداردى.
ء«بىزدىڭ ەلدەرىمىز اراسىندا بارلىق دەڭگەيدە تىعىز ساياسي قارىم-قاتىناس جولعا قويىلعان. ەكونوميكالىق ءوزارا ءىس-قيمىل بەلسەندى دامىپ, مادەني-گۋمانيتارلىق بايلانىستار دا نىعايىپ كەلەدى. بۇل – ەڭ الدىمەن, مەملەكەتتەرىمىزدىڭ باسشىلارى قاسىم-جومارت توقاەۆ پەن شاۆكات ميرزيوەۆتىڭ بەرىك دوستىعىنىڭ, قۇرمەت پەن سەنىمگە نەگىزدەلگەن قارىم-قاتىناسىنىڭ جانە ولاردىڭ ەرىك-جىگەرى مەن بىرلەسكەن جۇمىسىنىڭ ناتيجەسى. جوعارى دەڭگەيدەگى تۇراقتى كەزدەسۋلەر مەن مەملەكەت باسشىلارىنىڭ ءوزارا ساپارلارى بارىسىندا ماڭىزدى كەلىسىمدەرگە قول جەتكىزىلدى. وسى رەتتە وزبەكستان پرەزيدەنتى بىلتىر تامىز ايىندا ەلىمىزگە جاساعان مەملەكەتتىك ساپارىن ەرەكشە اتاپ وتكەن ءجون. سونىڭ اياسىندا الداعى 10 جىلعا ارنالعان ستراتەگيالىق سەرىكتەستىك پەن ىنتىماقتاستىق باعدارلاماسى قابىلداندى. مەملەكەت باسشىلارى دەڭگەيىندە قول جەتكىزىلگەن بارلىق كەلىسىمدى ءتيىمدى ىسكە اسىرۋعا ءوز ۇلەسىمىزدى قوسۋ – ءبىزدىڭ باستى مىندەتىمىز», دەپ, سەنات توراعاسى كەلەسى جىلى الماتىدا وتەتىن وڭىرلىك كليماتتىق ءسامميتتىڭ نەگىزگى تاقىرىپتارىنا توقتالدى.
سونىمەن قاتار كەزدەسۋدە قازاقستان مەن وزبەكستان پارلامەنتى پالاتالارى اراسىنداعى ىنتىماقتاستىق جونىندەگى كوميسسيا جۇمىسىنىڭ ناتيجەلەرى تالقىلاندى. وعان قوسا, ورتالىق ازيا مەملەكەتتەرىنىڭ پارلامەنتارالىق فورۋمى اياسىندا ورتالىق ازيانىڭ ساياسي, ەكونوميكالىق جانە مادەني الەۋەتىن ىسكە اسىرۋ جونىندەگى مىندەتتەر بەلگىلەندى.
«ەلدەرىمىز اراسىندا پارلامەنتارالىق ىنتىماقتاستىقتى دامىتۋدىڭ ماڭىزى زور. بۇگىن وسى باعىتتاعى الداعى مىندەتتەردى ايقىندايتىن پالاتالار اراسىنداعى ءوزارا ءىس-قيمىلداردىڭ جول كارتاسىنا قول قويامىز. بۇل قۇجاتتى قابىلداۋ زاڭ شىعارۋ قىزمەتىندە تاجىريبە الماسۋدى جانداندىرۋعا, بىرلەسكەن ءىس-شارالار مەن كونسۋلتاتسيالار وتكىزۋگە, سونداي-اق, ءتيىستى كوميتەتتەر مەن پالاتالار اپپاراتتارى اراسىنداعى ءوزارا ءىس-قيمىلدى دامىتۋعا مۇمكىندىك بەرەدى», دەدى م.اشىمباەۆ.
سۇحبات كەزىندە تاراپتار سۋ-ەنەرگەتيكا, كولىك-لوگيستيكا جانە ەكولوگيا سالاسىنداعى جوبالاردى, سونداي-اق اۋىل شارۋاشىلىعى, ماشينا جاساۋ, ءبىلىم, كوممۋنيكاتسيا مەن تسيفرلاندىرۋ باعىتتارىن دامىتۋعا, ازىق-ت ۇلىك قاۋىپسىزدىگىن جانە باسقا دا ماڭىزدى سەكتورلاردى قامتاماسىز ەتۋگە ارنالعان باستامالاردى دا پارلامەنتتەر ارقىلى قولداۋعا ەرەكشە نازار اۋداردى.
كەزدەسۋدە پارلامەنتارالىق بايلانىستى ودان ءارى نىعايتۋمەن قاتار الەمدىك جانە ءداستۇرلى دىندەر كوشباسشىلارىنىڭ الداعى سەزى شەڭبەرىندە رۋحاني ديپلوماتيانى دامىتۋ ماسەلەسى دە ءسوز بولدى. م.اشىمباەۆ اتالعان فورۋمدى وزبەكستان تاراپى جان-جاقتى قولداپ, وزبەكستان مۇسىلماندارى باسقارماسى سەزگە بەلسەندى قاتىسىپ كەلە جاتقانىن ايتتى جانە باۋىرلاس ەلدىڭ وكىلدەرى دىنارالىق ديالوگتى ىلگەرىلەتۋگە, الەمدى الاڭداتىپ وتىرعان بۇگىنگى وزەكتى ماسەلەلەردى شەشۋ جولىندا رۋحاني ليدەرلەردى جۇمىلدىرۋعا اتسالىسقانى ءۇشىن العىس ءبىلدىردى.
ءوز كەزەگىندە ت.نارباەۆا ەلىمىزدىڭ ورتالىق ازيا ءوڭىرىن دامىتۋعا قوسقان ۇلەسى, سونداي-اق كوپتەگەن سىن-قاتەردى ەڭسەرۋ جانە نەگىزگى باعىتتار بويىنشا قازاق-وزبەك بايلانىستارىن نىعايتۋ جولىنداعى ەرىك-جىگەرى ءۇشىن ريزاشىلىعىن جەتكىزدى. سونىمەن قاتار ولي ءماجىلىس سەناتىنىڭ توراعاسى قازىرگى تاڭدا دىندەر مەن مادەنيەتتەر اراسىنداعى بەيبىتشىلىك, كەلىسىم جانە تولەرانتتىلىق يدەيالارىن ىلگەرىلەتۋدىڭ ماڭىزدى ەكەنىن ايتىپ, ىنتىماقتاستىقتىڭ اياسىن ودان ءارى كەڭەيتۋگە مۇددەلى ەكەنىن ءبىلدىردى.
