سۋرەت: gov.kz
ماسەلەن, ەلىمىزدە العاش رەت ەرەكشە ءبىلىم بەرۋ قاجەتتىلىكتەرى بار بالالارعا ارنايى پسيحولوگيالىق-پەداگوگيكالىق قولداۋ كورسەتۋ ستاندارتى ازىرلەندى. بۇل ستاندارت مۇنداي بالالاردى ءبىلىم بەرۋدىڭ بارلىق دەڭگەيىندە سۇيەمەلدەۋگە جۇيەلى كوزقاراستى بەكىتەدى. سونىمەن قاتار وتباسى مەن بالاعا كومەك كورسەتۋ ءۇشىن ۆەدومستۆوارالىق ءوزارا ءىس-قيمىل تەتىكتەرىن كوزدەيتىن «ەرەكشە ءبىلىم بەرۋ قاجەتتىلىكتەرى بار بالالاردى كەشەندى قولداۋ تۋرالى» زاڭ جوباسى دايىندالىپ جاتىر.
بۇگىندە ەلىمىزدەگى مەكتەپتەردىڭ 90%-ىندا ينكليۋزيۆتى ءبىلىم الۋعا جاعداي جاسالعان, ال ەرەكشە ءبىلىم بەرۋ قاجەتتىلىكتەرى بار بالالاردىڭ 85%-ى ارنايى پسيحولوگيالىق-پەداگوگيكالىق قولداۋمەن قامتىلعان. ارنايى ءبىلىم بەرۋ ۇيىمدارىنىڭ جەلىسى 508 مەكەمەدەن تۇرادى, مەكتەپتەر جانىنان 121 قولداۋ كابينەتى اشىلعان. ۇلتتىق ۇزدىكسىز ينكليۋزيۆتى ءبىلىم بەرۋ ورتالىعىن قۇرۋ جۇمىسى جۇرگىزىلىپ جاتىر.
2024 جىلى مەكتەپكە دەيىنگى تاربيە مەن وقىتۋ ۇيىمدارىندا, سونداي-اق تەحنيكالىق جانە كاسىپتىك ءبىلىم بەرۋ مەكەمەلەرىندە پەداگوگ-اسسيستەنتتىڭ شتاتتىق بىرلىگى ەنگىزىلدى. مەكتەپتەردىڭ ۇلگىلىك شتاتتارىنا ارنايى پەداگوگ لاۋازىمى قوسىلدى, ال تىرەك-قيمىل اپپاراتى بۇزىلعان بالالاردى فيزيكالىق سۇيەمەلدەۋ ءۇشىن جەكە كومەكشى لاۋازىمى ەنگىزىلدى. پسيحولوگيالىق-مەديتسينالىق-پەداگوگيكالىق كونسۋلتاتسيالار, تۇزەتۋ كابينەتتەرى, وڭالتۋ ورتالىقتارى جانە اۋتيزم سپەكترى بۇزىلىستارى بار بالالاردى قولداۋ ورتالىقتارى ءۇشىن جەكە ۇلگىلىك شتاتتار بەكىتىلدى.
اۋتيزمگە شالدىققان بالالاردى قولداۋ ورتالىقتارى وڭالتۋ جانە الەۋمەتتىك بەيىمدەۋ بويىنشا مەملەكەتتىك قىزمەت كورسەتەتىن ۇيىمدار تىزىمىنە ەنگىزىلدى. سونداي-اق مەكتەپكە دەيىنگى ءبىلىم بەرۋدىڭ ۇلگىلىك وقۋ جوسپارلارىنا مۇنداي بالالار ءۇشىن تۇزەتۋ كومپونەنتى ەنگىزىلدى.
مۇگەدەكتىگى بار ازاماتتار ءۇشىن تەحنيكالىق جانە كاسىپتىك ءبىلىم بەرۋ ۇيىمدارىنا قابىلداۋ كۆوتاسى 1%-دان 10%-عا دەيىن ۇلعايتىلدى.
لاۋرا بوتاباەۆا,
ارنايى جانە ينكليۋزيۆتى ءبىلىم بەرۋ ۇلتتىق ورتالىعىنىڭ باسشىسى
