الداعى كۇندەرى قازاقستان رەسپۋبليكاسىنىڭ مەتەورولوگيالىق جاعدايىنا باتىس ايماقتاردان شىعىسقا قاراي جىلجىپ كەلە جاتقان سولتۇستىك-باتىس تسيكلون اسەر ەتۋدى جالعاستىرادى. ول اۋىسپالى بۇلتتى, نايزاعايلى جاڭبىرلى اۋا رايىن قالىپتاستىرادى, كۇندىزگى ساعاتتاردا بۇرشاق پەن ەكپىندى جەلدىڭ كۇشەيۋى ىقتيمال.
19 تامىزدا باتىستا جانە شىعىستا, 20–21 تامىزدا سولتۇستىك-باتىستا, ال 21 تامىزدا ەلىمىزدىڭ سولتۇستىگىندە جاڭبىر جاۋى مۇمكىن. ال وڭتۇستىك وڭىرلەردە انتيتسيكلوننىڭ ىقپالىمەن نەگىزىنەن قۇرعاق ءارى اشىق اۋا رايى ساقتالادى. رەسپۋبليكا بويىنشا جەلدىڭ كۇشەيۋى, تۇنگى جانە تاڭعى ساعاتتاردا تۇمان كۇتىلەدى.
اۋا تەمپەراتۋراسى سولتۇستىك وڭىرلەردە تومەندەيدى: تۇندە +10…+17 °C, كۇندىز +17…+25 °C بولادى. شىعىستا تۇنگى تەمپەراتۋرا +5…+15 °C شاماسىندا, كۇندىز ازداپ كوتەرىلىپ, +22…+29 °C دەيىن جەتەدى. قالعان ايماقتاردا اۋا تەمپەراتۋراسىنىڭ ايتارلىقتاي وزگەرىس بولمايدى.
