قازىرگى تاڭدا وبلىس اۋماعىندا 11 «شاحمات ءۇيى» بار. سونداي-اق 20 سپورتتىق مەكەمەدە 97 جاتتىقتىرۋشى 2475 سپورتشىمەن تۇراقتى جۇمىس جۇرگىزۋدە.
بۇل دەرەكتەر وبلىس اكىمىنىڭ ورىنباسارى ەرتاي التاەۆ پەن قازاقستان شاحمات فەدەراتسياسىنىڭ ۆيتسە-پرەزيدەنتى مارات ەسەنوۆتىڭ كەزدەسۋىندە كەلتىرىلدى. وڭىردە شاحماتتى دامىتۋ, الداعى جوسپارلار مەن ماڭىزدى جوبالار تالقىلانعان كەزدەسۋدە 2023-2027 جىلدارعا ارنالعان «جول كارتاسى» بەكىتىلگەنى, قالا جانە اۋدانداردا شاحماتشىلارعا قولايلى جاعداي جاسالعانى دا ايتىلدى.
ايتا كەتەلىك, بيىل قاراشادا تۇركىستان قالاسىندا جاسوسپىرىمدەر اراسىنداعى قازاقستان كۋبوگىنىڭ فينالدىق كەزەڭىن وتكىزۋ جوسپارلانىپ وتىر.
