فوتو: CTS
جالپى ۇزىندىعى 22,4 شاقىرىم بولاتىن قۇرىلىستاعى №101–118 ستانتسيا ارالىعىندا جانە ولاردىڭ ارالىقتارىندا 89 600 پوگوندىق مەتر رەلس توسەلگەن. قازىر رەلستەردى دانەكەرلەۋ جۇرگىزىلىپ جاتىر, ودان كەيىن ولاردىڭ سوڭعى بەكىتۋى باستالادى.
«قۇرىلىس بارىسىندا قۇرامىندا تەمىر مولشەرى جوعارى كومىرتەكتى بولاتتان جاسالعان رەلستەر قولدانىلدى. ولار جىكسىز توسەۋ تەحنولوگياسى تاسىلىمەن الدىن الا كەرنەلگەن شپالدارعا زاماناۋي DTVII2-1 بەكىتۋ جۇيەسى ارقىلى ورناتىلدى. ايتىلعان تەحنولوگيا جىلجىمالى قۇرامنىڭ قوزعالىسى كەزىندە شۋ مەن ءدىرىل دەڭگەيىن ەداۋىر تومەندەتۋگە مۇمكىندىك بەرەدى. بۇل ءوز كەزەگىندە جولاۋشىلار مەن جاقىن ماڭداعى اۋدان تۇرعىندارىنا قولايسىز جاعداي تۋعىزباۋ ءۇشىن جاسالعان», دەلىنگەن City Transportation Systems كومپانياسىنىڭ حابارلاماسىندا.
ەندى توتەنشە جاعدايلار كەزىندە جولاۋشىلاردىڭ قاۋىپسىزدىگىن قامتاماسىز ەتەتىن ەۆاكۋاتسيالىق پلاتفورمالاردى ورناتۋ جۇمىستارىن جۇرگىزۋ جوسپارلانعان.
