بايقاۋعا قازاقستان, ارمەنيا, بولگاريا, قىرعىزستان, بەلارۋس, ۋكراينا ەلدەرىنىڭ مادەنيەت جانە ونەر قايراتكەرلەرى تورەلىك ەتەدى. قازىلار القاسىنىڭ توراعاسى – قازاقستاننىڭ ەڭبەك سىڭىرگەن قايراتكەرى, كومپوزيتور, ءانشى جەڭىس سەيدوللا ۇلى.
بايقاۋدىڭ اشىلۋ سالتاناتىندا قۇتتىقتاۋ ءسوز سويلەپ, ۇمىتكەرلەرگە اق جول تىلەگەن ءانشى: جيىرما جىلدىق تاريحى بار «التىن ميكروفون» حالىقارالىق بايقاۋى – بۇگىندە قوستاناي ءوڭىرىنىڭ عانا ەمەس, ونەرگە تالابى بار بارشا قازاق ەلىنىڭ دارىندى جاستارىنا داڭعىل جول اشاتىن بىرەگەي جوبا» دەدى.
ۇيىمداستىرۋشىلاردىڭ ايتۋىنشا, ءان بايقاۋىنىڭ جۇلدەگەرلەرى ارنايى ديپلومدارمەن جانە اقشالاي سىيلىقتارمەن ماراپاتتالادى.
باس جۇلدەگە يە بولعان ءانشى قازاقستاندا, سونداي-اق ەۋروپا مەن ازيا ەلدەرىندە وتەتىن ءداستۇرلى حالىقارالىق بايقاۋلاردىڭ بىرىنە جولداما الادى.
قوستاناي وبلىسى
