فوتو: opennews.kz
جاڭا باسقارما بالالاردىڭ قۇقىقتارى مەن مۇددەلەرىن قورعاۋمەن اينالىسادى. ولار وتىنىشتەرگە جەدەل ارەكەت ەتۋ, وتباسىلارعا كومەك كورسەتۋ جانە وڭىردەگى بالا ءال-اۋقاتىنا جاۋاپتى بارلىق قىزمەتتەردىڭ جۇمىسىن ۇيلەستىرۋى ءتيىس.
جەرگىلىكتى اتقارۋشى ورگانداردىڭ بازالىق قۇرىلىمىنا بالالاردىڭ قۇقىقتارىن قورعاۋ باسقارماسىن قۇرۋدى كوزدەيتىن وزگەرىستەر ەنگىزىلگەن. باسقارماعا وبلىستىق جانە رەسپۋبليكالىق ماڭىزى بار قالالار مەن اۋداندارداعى بالالاردىڭ قۇقىقتارىن قورعاۋ بولىمدەرى, سونداي-اق ەلورداداعى ءتيىستى بولىمدەر باعىنادى.
ء«بىز ءار بالانىڭ سەنىمدى قورعالۋىن قامتاماسىز ەتەتىن جۇيە قۇرىپ جاتىرمىز. بۇل ماسەلەلەردى جەدەل شەشۋگە جانە بالالارعا جەرگىلىكتى دەڭگەيدە كومەك كورسەتۋگە مۇمكىندىك بەرەدى», دەدى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
اتالعان بولىمشەلەردىڭ ءتيىمدى جۇمىس ىستەۋى ءۇشىن وقۋ-اعارتۋ مينيسترلىگى زاڭنامالىق دەڭگەيدە نورما بەكىتكەن. قورعانشىلىق جانە قامقورشىلىق ورگانىنىڭ ءبىر مامانى 5 مىڭ بالاعا قىزمەت كورسەتەدى. سونىڭ ناتيجەسىندە بيىلعى جىلدىڭ باسىنان بەرى جەرگىلىكتى دەڭگەيدەگى قىزمەتكەرلەر سانى 303-تەن 896-عا ءوستى. ولار ءۇشىن وقىتۋ كۋرستارى ۇيىمداستىرىلىپ, بىرىڭعاي جۇمىس ستاندارتتارى ەنگىزىلىپ جاتىر.
جوبا قر بالا قۇقىقتارى جونىندەگى ۋاكىلمەن بىرلەسىپ, ەلىمىزدىڭ بارلىق وڭىرلەرىندە كەزەڭ-كەزەڭىمەن جۇزەگە اسىرىلادى.
