اتالعان ستانسانى قىزىلوردا وبلىسىندا ساتباەۆ ۋنيۆەرسيتەتىنىڭ عالىمدارى جاساپ شىقتى. عىلىم جانە جوعارى ءبىلىم مينيسترلىگىنىڭ دەرەگىنە قاراعاندا, ءبىر ستانسا اعىن جىلدامدىعى مەن قۇبىرداعى سۇيىق كولەمىنە قاراي ساعاتىنا 7 كۆت-قا دەيىن ەلەكتر وندىرە الادى. ونى ونەركاسىپ ورىندارىندا عانا ەمەس, شارۋا قوجالىقتارىندا, تۋريستىك بازالاردا, سونداي-اق وزەن نەمەسە وندىرىستىك اعىنى بار شالعاي اۋىلداردا دا قولدانۋعا بولادى.
جوباعا قاتىسۋشى, قاۋىمداستىرىلعان پروفەسسور رۋسلان وتەباەۆ:
ء«بىز ەنەرگيانى كۇتپەگەن جەردەن ونەركاسىپتىك قۇبىرلاردان ءوندىرۋدىڭ جولىن تاپتىق. بۇل قولدانبالى عىلىمنىڭ باستى مىندەتى – شىعىندى رەسۋرسقا اينالدىرۋ», دەيدى.
ەلەكتر وندىرۋدەن بولەك قوندىرعى قۇبىرداعى زيان ءدىرىلدى ازايتىپ, جابدىقتىڭ قىزمەت مەرزىمىن ۇزارتادى جانە قاۋىپسىزدىگىن ارتتىرادى. ستانسانى ورناتۋ ءۇشىن بولەك عيمارات نەمەسە كۇردەلى ينفراقۇرىلىم قاجەت ەمەس, بۇل ونى ەلەكتر جەلىسىنە قوسىلۋ مۇمكىندىگى شەكتەۋلى ايماقتار ءۇشىن اسا ءتيىمدى ەتەدى.
امبەباپ شاعىن سۋ ەلەكتر ستانساسى – عالىمداردىڭ عىلىم مەن ءوندىرىستى ۇشتاستىرا وتىرىپ, ناقتى ەكونوميكالىق پايدا اكەلەتىن ينجەنەرلىك شەشىمدەر جاساي الاتىنىن دالەلدەيتىن مىسال.
