زاڭسىز جەر تەلىمى مەملەكەتكە قايتارىلدى

بۇعان دەيىن بۇل جەردە بىرنەشە جىل بويى جەرگىلىكتى تۇرعىندار كۇتىپ-باپتاعان شاعىن باق بولعان. سونداي-اق ونىڭ استىنان ەلەكتر جانە جىلۋ جەلىلەرى وتكەن. الايدا, تەمىر قورشاۋ ورناتىلعان سوڭ, بۇل جەرگە كىرۋگە تىيىم سالىنىپ, اعاشتار كەسىلە باستاعان. نۇرماقوۆ كوشەسىندەگى №92 ءۇيدىڭ تۇرعىنى ۆەرا سيمونوۆا بۇل جاعداي بويىنشا ءتۇرلى مەملەكەتتىك ورگاندارعا تالاي مارتە ءوتىنىش جولداعاندارىن ايتتى.

«بيىل ناۋرىز ايىندا جەر تەلىمىن ءوز بەتىنشە زاڭسىز يەلەنۋدىڭ كۋاسى بولدىق. ءبىز اۋداندىق اكىمدىككە, جەر قاتىناستارى باسقارماسىنا جانە «AMANAT» پارتياسىنا جۇگىندىك. مۇندا ەكى قاباتتى كەڭسە عيماراتىن سالماق بولعان, بىراق وعان بۇل جەر مۇلدەم لايىقسىز ەدى. پارتيا ءبىزدى قولداۋسىز قالدىرمادى. بارلىق قۇجاتتاردى جويدىق, سوتقا جۇگىندىك, جەڭدىك جانە سوت شەشىمىمەن قورشاۋ الىنىپ تاستالدى. «جەر اماناتى» كوميسسياسىنىڭ ارالاسقانىنا قۋانىشتىمىن», دەدى ۆ.سيمونوۆا.

پارتيا مۇشەلەرى ۋاكىلەتتى ورگاندارمەن بىرلەسىپ تەكسەرىس جۇرگىزىپ, ماتەريالداردى سوتقا جولدادى. المالى اۋداندىق سوتى 0,0080 گەكتار (80 شارشى مەتر) جەر تەلىمىن مەملەكەت مەنشىگىنە قايتارۋ تۋرالى شەشىم قابىلدادى. قورشاۋ يەسى ونى ءوز ەركىمەن الىپ تاستاۋعا ۋادە بەرگەنىمەن, سوت شەشىمى ورىندالماي, ونى ماجبۇرلەپ بۇزۋعا تۋرا كەلدى.

«كاسىپكەر مۇندا ەكى قاباتتى كەڭسە عيماراتىن سالۋدى جوسپارلاعان. رۇقساتسىز جيىرما اعاشتى كەسىپ تاستاعان. ءبىز ءتيىستى قىزمەتتەر مەن قۇقىق قورعاۋ ورگاندارىن تارتىپ, تۇرعىندارعا سوتقا جۇگىنۋدە كومەكتەستىك. ناتيجەسىندە ادىلدىك جەڭدى», دەدى قالالىق ءماسليحات دەپۋتاتى, الماتى قالالىق «جەر اماناتى» كوميسسياسى توراعاسىنىڭ ورىنباسارى باقىتبەك جۇماباەۆ.

سوت شەشىمىن ورىنداۋ كۇنى مۇندا وسى اۋماقتى ءوز اۋلالارىنىڭ ءبىر بولىگى دەپ سانايتىن ەكى ءۇيدىڭ تۇرعىندارى كەلدى. نۇرماقوۆ كوشەسىندەگى №92 ءۇي تۇرعىنى ەكاتەرينا بابي پارتيانىڭ باسىنان اياعىنا دەيىن بىرگە بولعانىن اتاپ ءوتتى.

«بىزگە بارلىق سۇراقتارعا جاۋاپ بەرىپ, ءاردايىم قولداۋ كورسەتكەن كۋراتور بولدى. جۇمىس ۇيلەسىمدى ءجۇردى, ءبىزدى جالعىز قالدىرمادى. وسىنداي قولداۋ مەن كومەگى ءۇشىن العىس ايتامىن», دەدى ول.

«جەر اماناتى» كوميسسياسى الماتىنىڭ جەر رەسۋرستارىن قورعاۋ باعىتىندا جۇيەلى جۇمىسىن جالعاستىرىپ جاتىر. سونىڭ ارقاسىندا قالادا ونداعان جەر تەلىمى مەملەكەت مەنشىگىنە قايتارىلدى. بۋتاكوۆكا شاتقالىنداعى 5 گەكتارلىق الما باعى قالپىنا كەلتىرىلدى, ءال-فارابي اتىنداعى قازاق ۇلتتىق ۋنيۆەرسيتەتىنىڭ پايدالانىمىندا بولعان جەرلەر قايتارىلدى جانە تاعى باسقا جۇمىستار اتقارىلدى.