ەردىڭ مەرەيى – ەلدىڭ مەرەيى

مادەنيەت مينيسترلىگى مەن پرەزيدەنتتىك مادەنيەت ورتالىعىنىڭ ۇيىمداستىرۋىمەن “ەلىن سۇيگەن, ەلى سۇيگەن ەلباسى” اتتى ءان كەشى مەن “ەلباسى جانە ەلوردا” اتتى كورمە استانانىڭ مەرەيلى مەرەكەسى قارساڭىندا جۇرتشىلىق نازارىنا ۇسىنىلدى. پرەزيدەنتتىك مادەنيەت ورتا­لى­عىندا تانىمى مەن تاعىلىمى مول ءان كەشىنە جۇرتشى­لىق مەيلىنشە كوپ جينالدى. حالقىمىزدىڭ سان عاسىرعا جۋىق تاريحىندا مۋزىكانىڭ, سو­نىڭ ىشىندە ءان ونەرىنىڭ الار ورنى ەرەكشە بولسا, ءار زاماندا سۇرىپ­تالىپ, تەك قازاق حالقىنا عانا ءتان اۋەن ىرعاعى, قاي­تا­لانباس ۇلتتىق سازى بۇگىندە ءححى عاسىردا قازاق ەلىنىڭ كوك اسپانى اياسىندا شىرقا­لىپ كەلەدى. سالتاناتتى كەشتىڭ شىمىل­دى­عىن پرەزيدەنتتىك مادەنيەت ورتا­­لى­عىنىڭ ديرەكتورى مىر­زاتاي جول­داس­بەكوۆ اشتى. ء“بىز ىقىلىم زامان­داردان بەرى ۇلى دالا توسىندە سان قيلى تاعدىردى باسىنان كەش­كەن ەل ەدىك. مىڭ­داعان جىلدار سان ۇر­پاق وسى كۇندى ارمانداۋمەن ءوتتى. نەبارى 19 جىلدىڭ ىشىندە سايىن دالادا جا­ڭا مەملەكەت – تاۋەلسىز قا­زاق­­ستان ور­نادى. ەلور­دا­لى, اق­ور­دالى, ەل­باسىلى ەل بولدىق. قا­زاقستان – ءبۇ­گىن­­دە الەم مو­يىن­­داعان قۋاتتى مەم­لەكەتكە, استانا – حا­لىق­ارالىق ىنتى­ماق­­تاس­تىق­تىڭ ەڭسە­لى وردا­سىنا, ەلباسى جەر بەتىن­دەگى ىق­پالدى قايراتكەرگە اينالدى. تاياۋدا عانا تۇركيانىڭ پرەزيدەنتى اب­دۋل­لا گۇل مىرزا ەل­باسىنىڭ يى­عىنا اق شاپان جاۋىپ, قولى­نا اساتاياق ۇستاتتى. ءسوي­تىپ, تۇرىك الەمى­نىڭ كوش­باسشىسى دەپ جا­ريا­لا­دى. يور­دانيانىڭ استا­نا­سىندا ەلباسىنىڭ اتىنا كوشە بەرىل­دى, ان­كارادا ەس­كەرتكىش ور­نا­­دى. مۇ­نىڭ ءبارى تەك قازاقتىڭ كوڭىلى ءۇشىن جاسالىپ جات­قان جوق, ەلباسىنىڭ ەرەن ەڭبەگىنىڭ باعاسى, ءارى ەردىڭ مە­رەيى, ءارى ەلدىڭ مەرەيى. ەلباسى تۋ­عان حال­قىن, سايىن دالاسىن جانىن­داي سۇيەتىن كىسى” – دەدى ول تەبىرەنە سويلەپ. ۇلتىمىزدىڭ كەڭ دالاسىنا تا­نى­­مال, حالقىمىزدىڭ دانا ءجۇ­رە­گى­نەن, دارحان كوڭىلىنەن تۋعان كورىكتى اندەر كەشى ەكى بولىمنەن تۇردى. ءبىرىنشى ءبو­لىم­دە ەلباسى ءسۇيىپ تىڭ­دايتىن “اق بايان”, “قاراي كوزىم”, ء“حالاۋ-ءلاي­لىم”, ء“دۇل­­د ۇلىم”, “قى­مىز قۇيعىش”, “قى­زىلجار-سەمەي”, “عازيزا گۇل”, “دولا­نا”, “احاۋ, كە­رىم”, “بۇل­­بۇل قۇسىم”, “گۇلداريعا” ءجا­نە حالىق اندەرى شىر­قالسا, ەكىن­شى بولىمدە ەلباسىنا ارناپ جاز­عان ن.ايت ۇلى­نىڭ “ەلباسى” اتتى تول­عاۋى, م.قاسىمبەكوۆ پەن ە.ۇسە­نوۆ­تىڭ “جان اعا”, سون­داي-اق ن.نا­زار­­باەۆ­­تىڭ ءسوزى­نە جا­زىلعان ا.قو­راز­باەۆ­تىڭ ء“ۇش­قوڭىر” اتتى اندەرى شىر­قالدى. ءان كەشىندە گۇلزيرا بوكەي­حانقىزى, ارداق بالاجانوۆا, كلارا تولەنباەۆا, گۇلميرا سا­ري­نا, جازگۇل داڭىلباەۆا سىن­دى تاعى باسقا ەلىمىزگە تانىمال ونەرپازدار ءان شىرقادى. ال ساحنالىق بەزەن­دىرۋدەن باستان ءان كەشىنىڭ مازمۇن­دىق يدەياسىنا بەلگىلى رەجيسسەر س.اسىلحان ۇلى زور ەڭبەك ءسىڭىرىپتى. ءان كەشىنەن كەيىن جينالعان قاۋىم “تاۋەلسىز قازاقستان”, “شەجىرە”, “استانا” دەگەن ءۇش بولىمنەن تۇراتىن “ەلباسى مەن ەلوردا” اتتى كورمەنى تاماشال­ادى. بۇل كورمەگە ەلوردانىڭ داڭقىنىڭ ەسەلەنۋ جولدارىنا قاتىستى جانە ەلىمىزدى وركەن­دەتۋدەگى ەلباسىنىڭ ەرەن ەڭبەگى­نەن سىر شەرتەتىن فوتوسۋرەتتەر, 50 قۇجات پەن 52 پلانشەت تاما­شالاۋشىلاردى ءتانتى ەتتى. اراي ۇيرەنىشبەكقىزى.