— 27 ماۋسىم 2025 جىلى جەتىساي اۋدانى العاباس اۋىلىندا سوتتالۋشى جانجال كەزىندە جابىرلەنۋشىنى جىپپەن قىلقىندىرعان. سالدارىنان جابىرلەنۋشى سول جەردە كوز جۇمعان. قىلمىسىن جاسىرۋ ءۇشىن ول ءمايىتتى ءوز ءۇيىنىڭ اۋلاسىندا كومگەن. سونداي-اق, سوتتالۋشى ءوز ۇيىندە ويىق ۇڭعىلى اڭشىلىق اتىس قارۋىنىڭ 32-دانا وق-دارىلەرىن زاڭسىز ساقتاعان, — دەلىنگەن تۇركىستان وبلىستىق سوتىنىڭ ءباسپاسوز قىزمەتى تاراتقان حابارلامادا.
سوتتالۋشىنىڭ كىناسى, قىلمىستى مويىنداعان جاۋاپتارىمەن, كۋالەردىڭ جاۋاپتارىمەن, سوت ساراپتاما قورىتىندىلارىمەن جانە ءىستىڭ باسقادا قۇجاتتارىمەن تولىق دالەلدەندى.
پروكۋرور سوتتالۋشىنى بۇرىن اسا اۋىر قىلمىس جاساعانىن ەسكەرىپ, 20 جىلعا باس بوستاندىعىنان ايىرۋدى سۇرادى. سوتتالۋشى كىناسىن مويىنداپ, جەڭىل جازا تاعايىنداۋدى سۇرادى.
سوت سوتتالۋشىنىڭ كامەلەتكە تولماعان بالاسىنىڭ بولۋىن جەڭىلدەتەتىن ءمان-جاي دەپ تانىپ, ال اۋىرلاتاتىن ءمان-جايعا قىلمىستىڭ قاۋىپتى قايتالانۋىن ەسكەردى.
11 تامىز 2025 جىلى سوت ۇكىمىمەن سوتتالۋشىعا 20 جىلعا باس بوستاندىعىنان ايىرۋ جازاسى تاعايىندالدى. سونداي-اق 10 ملن تەڭگە كولەمىندە مورالدىق شىعىن ءوندىرىلدى.
