دەپارتامەنت باسشىسى سامات ەمبەرگەننىڭ دەرەگىنە قاراعاندا, شاعىمنىڭ باسىم بولىگى بولشەك ساۋدا, قوعامدىق تاماقتانۋ, تۇرعىن ءۇي-كوممۋنالدىق شارۋاشىلىعى, تۇرمىستىق قىزمەت كورسەتۋ, تۋريستىك جانە بايلانىس سالاسىنداعى تۇيتكىلگە قاتىستى بولعان.
«جوسپاردان تىس 55 تەكسەرۋ ناتيجەسىندە 27 كاسىپكەرگە شارا قولدانىلىپ, جالپى سوماسى 2,4 ملن تەڭگەدەن استام ايىپپۇل سالىندى. تۇتىنۋشىلارعا 24,6 ملن تەڭگەسى قايتارىلدى. الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا كۇندەلىكتى مونيتورينگ جۇرگىزىلەدى. جىل باسىنان بەرى «ساۋدا قىزمەتىن رەتتەۋ تۋرالى» زاڭ تالاپتارىن بۇزعان 40 كاسىپكەرلىك سۋبەكتىسىنە تەكسەرۋ ءىسى اشىلدى. ونىڭ ىشىندە 16 كاسىپكەرگە ايىپپۇل سالىنىپ, جەتەۋىنە ەسكەرتۋ بەرىلدى. باعانى تۇراقتاندىرۋ ءۇشىن جەرگىلىكتى وندىرۋشىلەرگە 294 ساۋدا ورنى تەگىن ۇسىنىلدى», دەيدى سامات ەمبەرگەن.
ونىڭ ايتۋىنشا, «سارايشىق» بازارى مەن «مۇنايشى» ستاديونى ماڭىندا اپتا سايىن ازىق-ت ۇلىك جارمەڭكەسى وتكىزىلەدى. جىل باسىنان بەرى 100-دەن استام جارمەڭكە ۇيىمداستىرىلعان.
