Halyk Finance اناليتيكالىق ورتالىعىنىڭ مالىمەتىنشە, جەتى ايدا جاڭا پاتەرلەردىڭ باعاسى ورتا ەسەپپەن 7,1%-عا, ال ەكىنشى نارىقتاعى تۇرعىن ءۇي 6,3%-عا قىمباتتادى.
جاڭا تۇرعىن ۇيلەر ىشىندە ەڭ كوپ قىمباتتاعان قالا – پاۆلودار. مۇندا جىل باسىنان بەرى بىردەن 18,9%-عا وسكەن. دەگەنمەن, شىلدە ايىندا باعا وزگەرمەگەن. پاتەردى جالعا الۋ قۇنى بولسا, اسا قاتتى سەكىرمەي, 2,3%-عا عانا كوتەرىلدى. ساراپشىلار بيىلعى جىلدىڭ سوڭىنا دەيىن باعا قايتادان جەدەل وسەدى دەپ بولجايدى.
ەكىنشى نارىقتا جاعداي ءارتۇرلى. مىسالى, قاراعاندىدا جىل باسىنان بەرى باعا 0,1%-عا, قوناەۆتا 1%-عا تومەندەگەن. ال الماتىدا كەرىسىنشە تۇراقتى ءوسىم بار. 17%-عا قىمباتتادى. ەل بويىنشا ورتاشا ءوسىم 6,3% شاماسىندا, بۇل سالىستىرمالى تۇردە باياۋ قارقىن سانالادى.
مامانداردىڭ ايتۋىنشا, قازىرگى باسەڭدەۋ – ۋاقىتشا قۇبىلىس. جىل سوڭىنا قاراي قۇرىلىس ماتەريالدارى مەن سۇرانىستىڭ ارتۋىنا بايلانىستى تۇرعىن ءۇي باعاسى قايتادان جىلدام ءوسۋى مۇمكىن.
