فوتو: ult.kz
عىلىم جانە جوعارى ءبىلىم مينيسترلىگىنىڭ مالىمەتىنشە, بيىل اكىمدىكتەر 1729 ءبىلىم بەرۋ گرانتتارىن ءبولىپ وتىر.
ەلوردا اكىمدىگى 526 گرانت بولگەن. بۇل – اكىمدىكتەر اراسىنداعى ەڭ ۇلكەن كورسەتكىش. ودان كەيىنگى ورىندا شىعىس قازاقستان وبلىسى – 299 گرانت, شىمكەنت قالاسى – 285, اتىراۋ – 265, جامبىل وبلىسى – 215, اباي وبلىسى – 200, تۇركىستان – 180, باتىس قازاقستان وبلىسى – 128 گرانت, ماڭعىستاۋ وبلىسى – 108 گرانت, قالعان ايماقتار 100-دەن از گرانت بولگەن.
ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن ۇمىتكەر جوعارى وقۋ ورىندارىنىڭ قابىلداۋ كوميسسياسىنا ءوتىنىش بەرۋ قاجەت. سونداي-اق جوو-عا ءبىلىمى تۋرالى قۇجات, ۇبت سەرتيفيكاتىن, جەكە باسىن كۋالاندىراتىن قۇجاتتىڭ كوشىرمەسىن, جەڭىلدىك ساناتىن راستايتىن قۇجاتتاردى (بار بولعان جاعدايدا) تاپسىرادى.
قۇجاتتاردى قابىلداۋ مەرزىمى تۋرالى اقپاراتتى اكىمدىكتەردەن, سونداي-اق جوعارى وقۋ ورىندارىنىڭ قابىلداۋ كوميسسيالارىنان الۋعا بولادى. گرانت بەرۋ تۋرالى شەشىمدى اكىمدىك جانىنان قۇرىلعان ارنايى كوميسسيا قابىلدايدى.
ايتا كەتەيىك, جوعارى وقۋ ورىندارىنا قابىلداۋ 25 تامىزدا اياقتالادى.
