بۇگىن جاس انالار ايزانا مەن اقگۇلدى نارەستەلەرىن دۇنيەگە اكەلگەن كۇنىمەن قۇتتىقتاۋ ءۇشىن قالا اكىمىنىڭ ورىنباسارى اسەت ورالباەۆ پەرزەنتحاناعا باردى. شاھار باسشىسىنىڭ اتىنان دومبىرا سىيعا تارتتى.
«اباي كۇنى قارساڭىندا دۇنيەگە كەلگەن پەرزەنتتەرىڭىز – رۋح پەن دانالىقتىڭ, ءۇمىت پەن نۇردىڭ بەلگىسىندەي. ۇلى ويشىلدىڭ ونەگەسىمەن, حالقىمىزدىڭ اسىل مۇراتتارىمەن سۋسىنداپ, جۇرەگى مەيىرىمگە, ءسوزى پاراساتقا تولى, ەلىنە سۇيىكتى ازامات بولىپ ءوسسىن!» – دەپ ول.
ابايلاردىڭ ءبىرىنشىسى تاڭعى 5:15-تە, ال ەكىنشىسى اباي ابايبەك ۇلى ەكى ساعاتتان كەيىن - 7:00-دە دۇنيە ەسىگىن اشقان. ءبىر قىزىعى, ەكەۋى دە - تۇڭعىش.
«ەسىمىم - ايزانا. بۇگىن اقتوبە پەريناتالدىق ورتالىعىنىڭ اقحالاتتى ابزال جاندارىنىڭ ارقاسىندا تۇڭعىشىمىزدى دۇنيەگە اكەلدىم. ەسىمىن اقىن ابايدىڭ 180 جىلدىق تويىنا وراي, وتباسىمىزدىڭ شەشىمىمەن اباي دەپ اتادىق. ابايدىڭ اكەسى ابايبەك 155 جىلدىعىندا تۋىلعانىن ايتقىم كەلەدى. 25 جىلدان كەيىن تاعى ءبىر اباي ومىرگە كەلدى. قۋانىشىمىزعا ورتاقتاسىپ جاتقان حالقىمىزعا العىسىم شەكسىز. ۇلدارىمىز ەلىنە ەلەۋلى, حالقىنا قالاۋلى ازامات بولىپ ءوسسىن», - دەپ جاس انا قۋانىشىمەن ءبولىستى.
ايتىپ وتەيىك, بۇگىن اباي كۇنىندە اقتوبەلىك دارىگەرلەر 21 ۇل مەن 14 قىز بالانىڭ تۋىلىنا سەبەپكەر بولدى.
